Nýjar kosningar sem fyrst

Ég er sammála Valgerði um að efna þurfi til nýrra kosninga um leið og við erum komin yfi brimskaflinn. Það þarf að fá mikið af nýju hæfileikafólki inn þingið sem fyrst. Fyrst og fremst þarf að endurnýja verulega mannskapinn hjá bæði Framsókn og Sjálfstæðisflokknum.  Þessir tveir flokkar bera höfuð ábyrgðina á efnahagsástandi þjóðarinnar í dag og þeir eiga ekki að fá annað tækifæri í bráð.  Guðni, Valgerður, Geir og Árni Matt eru meðal þeirra sem brugðust algerlega bæði við lagasetninguna og eins framkvæmd lagana.

Reyndar þarf að skipta út í Samfylkingunni líka.  Alltaf leiðinlegt þegar formenn stjórnmálaflokka líta út eins og atvinnunöldrarar bæði þegar þeir eru að gagnrýna aðra og verða sjálf fyrir gagnrýni.

Við erum búin að fá nóg af þessu fólki. 

Stjórnmálin biðu hnekki

Heldur Steingrímur að hann stjórni Jens í gegnum Aftenposten?

Það má vel vera að máttur Steingríms J. Sigfússonar sé mikill á Íslandi.  En hann stjórnar ekki norsku ríkistjórninni í gegnum eeinhvern greinarstúf í Aftenposten.

Steingrímur veit, alveg eins og ég og flestir aðrir, að Norðmenn voru fyrstir þjóða til að bjóða Íslendingum hjálp og það strax á öðrum degi kreppunnar á Íslandi. En Norðmenn sögðu strax að hjálparbeiðni yrði að koma frá Íslendingu.  Það gerðist bara ekki fyrr en í gær.

Og nú er staðan slík að hvorki Norðmenn né nokkur önnur þjóð kemur til með að lána Íslendingum svo mikið sem 100 kall án þess að þeir geti veifað lánstraustsstimpli frá IMF.  

Eins mikið samflot með Norðmönnum og hægt er

Gud velsigne Island, sier statsminister Geir Haarde

Ég var að dunda mér við að skoða netúgáfu  norsku fjármálapressunar og sjá hvað þar hefur verið skrifað síðustu vikurnar.  Þar kom margt skondið fram.  En ég læt mér nægja núna að birta tvær tilvitnanir sem ég rakst á í DN og mikið hefur verið gert úr.  Önnur er fyrirsögnin hér að ofan þegar Geir bað drottinn að signa okkur og blessa.

Hin er þessi.  "Ledelsen i Sedlabanki (sentralbanken) har ikke vært kvalifisert. Banksjefene er idioter."  Þessi skoðun viðrist vera samdóma álit helstu hagvísindamanna heimsins á Davíð Oddsyni og "þeim félögum" í bankastjórninni. Bæði vestan hafs og austan.

 

Þórey Edda er metnaðarfull og frábær íþróttakona.

Ég efast ekki um það eina sekúndu að Þórey Edda hafi verið í þungum þönkum þegar hún endanlega ákvað að þakka stönginni fyrir samveruna. Hún er haldin mikilli fullkomnunaráráttu og hefur aldrei sætt sig við það næst besta.  Því er það rökrétt ákvörðun hjá henni hætta þegar hún taldi að hún átti ekki lengur möguleika á að bæta sig í íþróttinni.

þórey á glæsilegan íþróttaferil, bæði sem fimleikakona og stangastökkvari. Hún er líka einstaklega metnaðarfull og frábær manneskja sem ekki treður öðrum um tær. Ég vona bara að hún segi ekki skilið við íþróttirnar í bráð því ég er þess full viss að hún getur miðlað til yngri íþróttamanna af mikilli reynslu sinni.  Þórey Edda Elísdóttir hefur unnið hörðum höndum til að ná þeim árangri sem hún uppskar.  Ef allir íþróttamenn þjóðarinnar hefðu metnaðinn og viljan sem hún hefur væri íþróttsaga Íslendinga enn glæsilegri en hún er. Við getum verið stolt af íþróttafólkinu okkar. Og eigum eftir að verða enn stoltari í framtíðinni þar sem ég held að íþróttirnar eigi eftir að halda nafni Íslands á lofti og afla þjóinni virðingar á ný eftir þá eyðileggingu sem papakassarnir er kölluðu sig útrásarvíkinga skildu eftir sig.

Við þurfum fleiri íþróttamenn eins og Þórey Eddu.   

Vildi ekki hætta svona

Þurfum við seðlabanka?

Í ljósi þess að ríkisstjórnin þurfti ekki á samþykki Seðlabankans að halda til að ganga frá láninu frá IMF velti ég því fyrir mér hvort við þurfum yfir höfuð á seðlabanka að halda við núverandi aðstæður.  Það er greinilegt af fréttum að engin samstaða er innan SÍ og ég er smeykur um að það séu fleiri en ég sem hafa  það  á tilfinningunni að Seðlabankinn hafi þvælst fyrir í því ferli sem björgunaraðgerðir ríkistjórnarinnar hafa verið í allt frá uphafi

Margt bendir til að ekki líði á löngu þar til hafnar verði viðræður um fulla aðild Íslands að ESB. Verði aðildin að veruleika og evran verði gjaldmiðill Íslendinga verður Seðlabanki Evrópu okkar seðlabanki. Því leitar sú spurning á mann hvort ekki sé tímabært að leggja SÍ niður á næstu mánuðum og losa okkur þar með við þá stofnun sem mest hefur eyðilagt fyrir íslensku efnahagslífi síðustu árin.

Ríkistjórnin ætti því að endurvekja þjóðhagsstofnun, sem Davíð lagði niður til að geta spilað frítt, og láta hana taka yfir þau verkefni SÍ sem ekki væru á höndum Seðlabanka Evrópu.  Það er í öllu falli ótækt að burðast með seðlabanka þar sem hver höndin er uppi á móti annarri í bankastjórninni. 

Sátt um IMF-lán í Seðlabanka

Raunverulegir útrásarvíkingar

Í dag notaði ég blíðviðrið  í konungsríkinu til að heimsækja þá staði sem fyrstu útrásarvíkingar Íslendinga gerðu sig gilda. Við hjónin ókum sem sagt niður í Vestfold og litum í kringum okkur á þeim stöðum þar sem Egill Skalla-Grímsson, Höskuldur Dalakollsson og Gunnar á Hlíðarenda gengu keikir um fyrir rúmlega 1000 árum síðan.  Fannst þetta góð tilbreyting frá allri umræðunni um pappírs-útrásarvíkingana sem ekkert skilja eftir sig nema skuldir.

Fyrst lá leiðin að sjálfsögðu í Víkina (Ósló) og þaðan til Borre í Vestfold þar sem komið hefur verið upp einstaklega glæsilegu víkingasafni sem heitir Miðgarður. Þar gefur m.a. að líta fjölda hauga þar sem norskir víkngahöfðingjar hafa verið heygðir í fullum herbúnaði með eftirlætis hestum sínum og jafnvel víkingaskipum líka.  Það var nefnilega ekki óalgent að útgerðarmenn þess tíma tækju með sér knerri sína í gröfina.

Eftir skemmtilegt spjall við Freddy Svanber, fræðimann um víkingatíman, um helstu sögustaði, afrek og lifnaðahætti fólks í Vestfold á þessum tíma lá leiðin til Tönsberg eða Túnsberg eins og bærinn hét þegar Gunnar á Hlíðarenda kom þangað skömmu fyrir kritnitökuna árið 1000.  Tönsberg er einn elsti bær Noregs og byrjaði að fá á sig kaupstaðarmynd upp úr aldamótunum 800. 

Þegar maður heimsækir Tönsberg er sjálfagt að skoða Oseberghauginn þar sem menn grófu upp Osebergskipið  árið 1904. Það er eitt heillegaasta víkingaskip sem fundist hefur og er það nú varðveitt í víkingasafninu í Ósló. Annars fannsr enginn víkingur í Oseberghaunum heldur tvær konur og ýmsir innanstokksmunir frá stórbýli frá upphafi 9. aldar. 

Eftir að hafa dágóða stund við Oseberghauginn litum við í heimsókn hjá vinum í nágrenninu og drukkum kaffi áður en við héldum heimá ný.  Þó kaffið hafi verið með besta móti miðað við kaffi á norksum heimilum fengum við það enn einu sinni staðfest að Norsarar kunna ekki að hella upp á könnuna.  En það er ljótt að vera neikvæður og að sjálfsögðu er maður þakklátur fyrir þá gestrisni sem manni er sýnd.

Enn eigum við eftir að gera okkur ferð til Kaupangurs, forns verslunarstaðar sem liggur utan við Larvík.  Svo er þa sjálfsagt skylda að skoða Gaia víkingaskipið sem venjulega liggur í Sandefjörd þegar það er ekki á ferð um Atlandshafið. Er strax farinn að hlakka til vorsins þegar nútíma víkingarnir opna markaðinn sinn og falbjóða silfur og safalaskinn útskurðarlist vaðmálsvörur. 

 

Síldin er gleðigjafi

Það er bara að óska strákunum á Hoffelinu til hamingju.  Allir sem ólust upp við strendur landsins eftir miðja síðustu öld vita hvers virði góð síldarvertíð.  Sídveiðar voru sveipaðar ævintýraljóma á síldarárunum. Nokkuð sem við sem tókum þátt í gleymum aldrei.

Nýsköpunartogararnir og seinna síldarflotinn lagði grunnin af því samfélagi sem við þróuðum á Íslandi fram á miðjan 10. áratug síðustu aldar. Við byggðum upp fyrirmyndar samfélag.  Vorum rík þjóð og raunveruleg verðmæti voru á bak við þjóðarauðinn.

Það tók hinsvegar nýríka frjálshyggjumenn, með blinda trú á markaðvæðingu, aðeins 10 ár að breyta samfélagi byggðu á verðmætum sem þjóðin vann fyrir í samfélag byggt á pappírum sem ekkert höfðun á bak við sig annað en blekkingar og lygar.  Því hafa þeir kynnst sem tapað hafa öllu sínu sparífé í dag.

Myndin er tekin við Svalbarða sumarið 1968.  Undirritaður í                                                                    góðum gír á Krossanesinu SU 320

Í dag erum við aftur á byrjunarreit eins og eftir stríði 1945.  Nú þurfum við að byggja upp samfélagið aftur á náttúruauðlyndum okkar, fiski og fallvötnum.  Segja má að við stöndum betur að vígi í dag en 1945 því að í dag eigum við mjög vel menntaða þjóð sem getur flýtt fyrir að velmegunarþjóðfélag rísi á Íslandi á ný. 

Dagar Daviðs og hugmyndafræðings hans, Hannesar Hólmsteins, eru liðnir.  Við frábiðjum okkur aðstoð siðblindra apakatta.  Hagfræðielíta heimsins kallar leiðtoga okkar flón eða fáráða og nú er tími tilkominn aðþeir pakki saman og við taki fólk sem veit hvað raunveruleg verðmæti eru og á  hverju þau byggjast.

Við skulum vona að síldin verði aftur virk í að skapa velferðarþjóðfélag á Íslandi.  Við þurfum á hverjum ugga að halda.

 

  

Fyrsta haustsíldin til Fáskrúðsfjarðar

Hefðbundin viðbrögð

Sagan sem hér er sögð frá Flateyri gæti alveg eins verið frá hvaða stað á Norðurlöndum sem er. Alla vega frá Noregi.  Á þeim uppgangstímum sem hér hafa verið síðustu árin hafa hátt í 100 þúsund Póverjar flutt til Noregs.  Þeir hafa haldið iðanðinum byggingariðnaðinum gangandi þar sem nroskir byggingaverkamenn og smiðir hafa komið sér fyrir í betur launuðum störfum í samgélagiu.  Auk þess hefur aldrei verið meira byggt í þessu konungsríki svo Pólverjarnir hafa verið "algert must" hér í landinu.

Margir Norðmenn hafa ekki skilið mikilvægi Pólverjanna í samfélaginu og hnýtt í þá ókvæðisorðum. Margir atvinnurekendur hafa farið með þá eins og skepnur og staflað allt að 8 pólverjum inn í 20 feta vörugáma sem veirð hafa þeirra heimili þar til Alþýðusambandið greip inn í.

Ég verð að segja eins og er að dæmið frá Flateyri er svolítið dæmigert fyrir fleiri staði á Íslandi þar sem heimamenn nenna ekki lengur að vinna í fiski of finna sér einhver þurr og þrifalegri störf í staðin. Gjaran betur borguð. Nú þegar velmegun fer vaxandi í Póllandi eftir að landið varð meðlimur af ESB, vilja margir Pólverjar gjarnan flytjast heim.  Atvinnuleysi fer ört minnkandi og launin hafa hækkað umtalsvert á nokkrum árum. Yfir hverju eiga þeir að hanga á Íslandi í dag.

Þeir 100 Flateyringar sem eftir verða þegar Póverjarnir eru farnir verða nú að sjá um sig sjálfir. Þeir verða að taka sig saman í andlitinu og halda fiskvinnslunni gangandi sjálfir.  Annars verður Flateyri bara líflaus draugabær. Og það er ekki ákkurat það sem Flateyri á skilið eftir allt sem þar á undan er gengið síðustu áratugina.

Nú á það  víða við á Íslandi að Guð hjálpar þeim sem reyna að hjálpa sér sjálfir.  Aðrir eiga ekki hjálp skilið. 

Fólksflótti frá Íslandi

Ekkert gerist án IMF

Það er fagnaðarefni að Ingibjörg Sórún er komin á kreik og farin að láta málin til sín taka. Þá getur maður kannski átt von á að eitthvað fari að gerast fréttnæmt getur talist.  Verð að viðurkenna að mér  finnst Össur hafa verið full passífur meðan hann gegndi stöðu formanns Samfylkingarinnar í veikindum Ingibjargar.

Það er að sjálfsögðu jákvætt að Ingibjörg hefur að eigin frumkvæði tekið upp viðræður við Jens og Jónas í Noregi og Bernard í Fraklandi.  En staða Íslands er bara sú að við komumst hvörki lönd né strönd nema getað flaggað stimpli frá IMF.  Því ber okkur að ná samningum við þann arga sjóð sem allra fyrst.

Get vel tekið undir með þeim sem segja "sllt er betra en IMF". En staðan er bara sú að ekkert gerist án IMF á Íslandi í dag.  Engin þjóð lánar okkur krónu nema að fyrir liggi skotheld áætlun um uppbyggingu efnahagskerfisins á Íslandi. Það verður að vera klárt hvernig við ætlum að reka bankan. Endurskipulagning Seðlabanka og klár áætlun um gengi og peningamál.

Ingibjörg ræddi við Norðmenn og Frakka um aðstoð

Hákon prins segir Mettu-Marit leiða

Það var nú gott að krónprinsessa Noregs slaðasðist ekki alvarlega er hún dat í tröppunum í Kiev. Smá heilahristingur er ekki svo alvarlegur en er samt sem áður hund leiðinlegur.  Enda er prinsessan í rusli yfir að geta ekki haldið áætlun. 

Hákon prins er að sjálfsögðu búinn að tala við drottningarefni sitt og segir að hún sé bæði sár og leið yfir að geta ekki staðið við dagsskrá sína en við því sé ekkert að gera. Hann segir að hún muni halda órtauð áfram að tveimur dögum liðnum.

Áfram Mette-Marit 

Mette-Marit fékk heilahristing í Kiev