Austri stóð fyrir sínu

Það var tími til kominn að Eyjamenn blönduðu sér aftur í hóp hinna bestu.  Þeir setja alltaf skemmtilegan svip á íslenska boltann og það er best þegar þeir eru í efstu deild.  Til hamingju Eyjamenn.

En það sem ég er glaðari yfir er að Austri skildi leggja Selfoss.  Það hefur verið á brattan að  sækja hjá mínum mönnum í sumar en þegar á reynir sýna þeir úr hverju við erum gerðir þarna fyriri austan.  Engir sætabrauðsdrengir þar á ferðinni. 

Var gott að lesa um 2 - 1 sigurinn þegar maður vaknað eldsnemma á laugardagsmorgninu í hjólhýsi á Glommubökkum. Er reyndar viss um að við hefðu landað stærri sigri ef leikurinn hefði farið fram á Eskifjarðarvelli en ekki á velli hjáleigunnar fyrir norðan Skarðið. En þeir þar og eins vinir okkar sem kenndir eru við krónuseðla verða auðvitað líka að fá að baða sig í Eskifjarðarljósunum af og til. Og það getum við vel unnt þeim.

Áfam Austri

Eyjamenn fögnuðu efsta sætinu

Athugasemdir

[viðar (IP-tala skráð) 13.9.2008 kl. 21:30]

Það er ég vissum að Austragengið hefði kanski örlítin séns á að komast í lið Fjarðabyggðar ef þeir sæju sóma sinn í því að vera ekki sífelt úttroðnir af útsæði daginn út og inn!

[Dunni, 14.9.2008 kl. 06:42]

Það er nú einmitt útsæðið sem hefur gert það að Eskfirðinarnir hafa ná að eignast fleiri  atvinniknattspyrnumenn en aðrar byggðir á Austurlandi.  Það var sérstaklega kröftugt útsæðið sem var soðið við eld af girðingastaurum sem sendir voru með útsæðinu austur á sínum tíma og áttu að halda kartöflurasinu í í öruggu skjóli fyrir rollum og öðrum búfénaði.  Sjálft girðingarefnið, gaddavírinn var grafinn í jörðu og e þar enn nema það sem nágrannar okkar beggja vegna við okkur grófu upp og nýttu sér í girðingarviðhaldi sínu.

En útsæðið er sælgæti, einkum þegar það kemur á haustmánuðum 5 mánuðum á eftir áætlun.  Þá var ekkert annað gera en að éta það. Ég geri frekar ráð fyrir að Krónuseðlarnir hafi potað því í frosna jörð og síðan orðið gapandi bit þegar þeir sáu uppskeruna vorið eftir.  Það er alla vega þeim líkt. 

[viðar (IP-tala skráð) 14.9.2008 kl. 10:54]

Snillingur ertu Dunni minn,það hef ég alltaf sagtog skál fyrir þér.

[Halldór Jóhannsson, 14.9.2008 kl. 19:44]

Áfram Austri........

[Dunni, 15.9.2008 kl. 19:27]

Það er ekki að ástæðulausu að mér þykir vænt um þig mágur sæll. Skál fyrir þér líka.  Svo þurfum við að fara kíkja í Whiskyglas saman áður en við verðum mikið eldri. Ég veit að við urðum of seinir að prófa Dimple flöskuna en það finnast jú fleiri og betri tegundir en Dimple