Torres sýnd klassaleik í kvöld

Enignn vafi á að Torres er að komast í form aftur.  Hann þarf 3-4 leiki til og þá verður hann búinn að ná toppfromi aftur.  Fyrra markið hans var heimsklassa mark.  Frábært hvernig hann gabbaði Terry og Alex, sem gerði bara ein mistök í leiknum, og skoraði frábært mark fram hjá gersamlega varnarlausum gúmmí-Tjékkanum í Chelsea búrinu.

Annars átti Liverpool liðið fínan leik í kvöld. Einna helst Riera sem var slakur. Hann var að mestu áhorfandi að leiknum. Vörnin átti sinn besta leik í langan tíma og heimamenn réðu öllum gangi mála á miðjunni. Enda segja tölurnar sitt.  Liverpool hélt boltanum 70% af tímanum, átti 21 marktilraun þar af hittu 11 á rammann.  Sambærilegar tölur hjá Chelsea voru 30% 9 skottilraunir og þar af ein á markið.

Þarf ekki að segja neitt meir um þetta og nú er LFC lang næst-besta liðið í deildinni. Verður vonandi það besta þegar upp verður staðið í maí. 

Torres: Frábært að skora fyrstu mörkin á heimavelli gegn Chelsea

Þorgerður Katrín frelsinu fegin

Skil vel að Þorgerður Katriín sé frelsin fegin eftir að hafa setið i lamaðri ríksistjórn undir forsæti síns eignin formanns.  Verlag ríkistjórnarinnar hefur örugglega ekki verið henni að skapi og erfitt að horfa uppá forsætisráðherrann í gíslingu Seðlabankastjóra.

Davíð Oddson reyndi marg oft að skipta sér að segja ríkistjórninni fyrir verkum eftir að efnahagskerfirð sem hann sjálfur innleiddi yfir þjóðina hrundi til grunna með þekktum afleiðingum.  Geir gerði lítið sem ekkert til að þagga niður í Davíð en það gerði Þorgerður Katrín sem sagði Seðlabanakstjóranum að skipta sér ekki af stjórnmálum en sinna starfi sínu í staðinn.  Nokkuð sem hann hefur ekki gert þó svo Geir hafi þakkað honum góð störf.

Það er lítill vafi á því að af þingliði Sjálfstæðisflokksins er Þorgerður Katrín lang vænlegust til að byggja flokkinn upp aftur viðskilnað Davíðs og Geirs.  Flokkurinn, ásamt Framsókn, verður að þvo spillingarstimpilinn af andliti sínu áður en þeim verður treyst til að taka þátt í endurreisninni.

Annars var stílli yfir kerlingunum er þær höfðu lyklaskipti í kvöld. Fór ekki á milli mála að þar var virðing og vinskapur í hávegum hafður enda tvær af glæsilegustu þingmönnum þjóðarinnar.

„Farin út í frelsið“

Guðjón Arnar málefnalegur að vanda

Guðjón Arnar Kristjánsson segir að í verkefnaskrá nýrrar ríkistjórnar séu áform sem FF geti tekið undir.  Auðvitað eru mörg atriði í verkefnaskránni sem allir geta stutt.  En ég á  eftir að sjá Sjálfstæðisflokkinn koma fram á jafn málefnalegan hátt og Frjálslyndir gera.

Svo eru ugglaust önnur atriði sem bæði FF og Sjálfstæðisflokki hugnast síður.  Þannig á það náttúrulega að vera.  Hinsvegar væri óðsmanns æði að setja fótinn fyrir ríkistjórnina á þeim fáu dögum sem hún kemur til með að starfa.  Og það er ekki mikil hætta á því ef marka má orð Þorgerðar Katrínar Gunnarsdóttir sem segir að engin breyting sé í nýju verkefnaskránni frá því sem var í verkefnaskrá Sjálfstæðisflokks og Samfylkingar. Þar af leiðir að það verður engin málefnaágreiningur milli Sjálfstæðisflokks og Jóhönnustjórnarinnar.

Orð Þorgerðar þýða raunverulega að ríkisstjórnin þarf ekkert á stuðningi Framsóknar að halda.  Þorgerður tryggir að sjálfsögðu meirihluta enda á hún stóran þátt í verkefnaskránni óbreyttu.  

Geta tekið undir áform

Magnaður leikur og verðskuldaður sigur

 

Seinni hálfleikurinn fór eins og við mátti búast.  Reyndar varð hann opnari en maður gat reikna með. Það getum við þakkað dómaranum, Mike Riley, sem er ekki ákkúrat þekktur fyrir að dæma Liverpool í hag. En í þetta skiptið opnaði hann miðjuna er hann rak Lampart útaf fyrir brot sem varla nægði til guls spjalds.

Liverpool átti 21 skot að marki þar af voru 10 á rammann meðan Chelsea átti 9 marktilraunir og aðein ein þeirra var á markið.  Slíkir voru yfirburðir Liverpool.  En það sem merkilegt að það tók liðið 89 mínútur að finna leiðina framhjá Petr Cech. Torres gabbaði Terry upp úr skónum og stakk sér fram fyrir Alex, sem fram til þessa hafði verið besti maður leiksins, og skallaði boltann frábærlega í markið. Svona gera bara snillingar.

Seinna markið getum við þakkað Cole sem átti fína sendingu á Benayoun sem síðan renndi boltanum á gapandi frían Torres sem skoraði sitt 7. mark í 12 leikjum. Hann er að finna formið drengurinn sá.  Benayoun átti líka fína innkomu og var hund óheppinn að skora ekki mark.

Þessi lekur sannar enn og aftur að Liverpool spilar miklu betur á móti betri liðunum í deildinni en þeim í lakari. Virðist sem þeir falli oft í þá vanmeta andstæðinga sína. Reyndar er Chelsea meira evrópskt lið en enskt og það hentar leikstíl Benitez miklu betur en en enski stíllinn.

En nú lifir veik von um meistaratitilinn í herbúðum Liverpool.  Vonin felst í því að United misstígi sig á endasprettinum og LFC haldi því striki sem þeir tóku í dag. Allt er mögulegt en þá verða menn að vinna fyrir kaupinu sínu.  Það gerði Riera aldeilis ekki í dag. Benni hefði átt að skipta honum útaf á 20. mínútu. Þá var ljóst að hann var áhorfandi að leiknum og hefði átt að borga sig inn.

 

Ps. Ef hægt er að réttlæta rauðaspjaldið á Frank Lampart, sem var fyrstur á boltann, þá má maður reikna með að í framtíðinni verði ca 10 -  12 leikmenn eftir á vellinum er leikirnir verða flautaðir af.

 

 

 

 

 

 

 

Fjörugur fyrri hálfleikur á Anfield

Það fer ekki á milli mála að hvorugt liðið má við tapi í dag.  Sóknarleikur Liverpool er heldur skárri en hjá Chelsea og sanngjarnt hefði verið að þeir hefðu skorað þegar Riera náði ekki að nýta sér sendinguna frá Gerrard.

Það sem er merkilegt við þennan leik er að varnarmennirnir í báðum liðum hafa leikið sóknarmennina heldur grátt.  Þeir hafa örugglega fengið skír skilaboð frá sjeffunum  um að gefa engin grið. Það  verður því erfitt að skora mörk á Anfield í dag.  En hef trú á að það verði ekki liðið langt á seinni hálfleikinn þegar leikurinn fer að opnast.  Það er nefnilega grundvallar atriði að fyrir bæði lið að hala inn 3 stig.  Annars kveður Manchester United samferðamenn sína og stingur af á toppnum.

Hef trú á að Liverpool skori eina mark leiksins og veðja á að það verði Kuyt.  

Torres tryggði Liverpool sigur á Chelsea

Liverpool eigendurnir sáu loks ljósið

Þá er það komið á hreint.  Hinir amerísku eigendur Liverpool FC hafa komist að því að Rafael Benitez er maðurinn sem þeir vilja að leiði liðið í framtíðinni.   Því til staðfestingar hafa þeir boðið Spánverjanum 3,8 milljarða í laun næstu 4 árin taki han djobbinu. Að auki fær karlinn það sem hann vill. Sem sagt að eiga lokaorðið um það hvaða leikmenn verði keyptir til félagsins meðan hann stjórnar liðinu.  Það er nú eiginlega lágmarks krafa.

Sem kunnugt er neitaði Rafa að skrifa undir samninginn fyrr í haust af þeirri ásæðu einni að hann fékk ekki lokaorðið um leikmannakaupin. Benitez hefur ekki fyrirgefið Rick Parry sem neitaði honum um 18 milljónir punda til að kaupa Gareth Barry en gaukaði svo að honum 20 milljónum til að kaupa Robbie Keane. 

Þó Robbie Keane sé fanta góður framherji er hann ekki  leikmaðurinn sem passar best inn í leikskipulagið hjá Benitez. Enda er það nú svo að hann hefur oftar en ekki verið utan leikmannahópsins á hinu nýja ári. Og svo getur verið að hann hafi leikið sinn síðasta leik fyrir Liverpool og fari til baka til Tottenham fyrir 20 milljónir punda.

En hvað sem öllum bollaleggingum um Robbie Keane líður hljóta menn að fagna tiboði Kananna til Benitez. Nú er bara að vona að Benni taki tilboðinu. Þar með kemst hann í sömu stöðu og Sr Ferguson, verður hæstráðandi um allt sem kemur knattaspyrnunni við hjá Liverpool.  Það hlýtur að létta pressunni sem verið hefur á stjóranum í allt haust og gera honum lífið léttara og starfið skemmtilegra.  Það ætti að geta skilað sér í langþráðum og bráðnauðsynlegum sigri á Chelsea nú á eftir.  

 

Loksins er hrærigrauturinn klár.

Þá er stóra stundin að renna upp.  Ingibjörg á leið til Bessastaða til að segja forsetanum að Jóhanna sé búin að mynda ríkisstjórn. Síðan Fer Jóhanna til Bessastaða til að staðfesta orð Ingibjargar og fá blessun Ólafs Ragnars til að taka við stjórn landins í rúmlega 80 daga.

Allt er þetta nú gott og blessað. En mikið andskoti tók það langan tíma að hnoða saman starfsstjórn til svo skamms tíma. Þessi Ríkisstjórn hefur í raun bara tvö verkefni. Að gæta að velferð heimilana í landinu og lappa upp á bankakerfið þannig að fyrirtækin geti haldið rekstri sínum áfram.

Hringlandaháttur Framsóknarflokksins er herint út sagt forkastanlegur í stjórnarmyndunarviðræðunum.  Hvað varðar hann um hvað í stjórnarsáttmálanum stendur ef hann ætlar ekki að taka þátt í ríkisstjórninni?

Sigmundur Davíð, ný orðin fyrsti fjósamaður, steig fram á sviðið löngu áður en farið varð hugsa um að mynda vinstri stjórnina og bauð fram hlutleysi Framsóknarflokksins og að hann myndi verja stjórn Samfylkingar og VG falli.  Það var alveg nóg.  Stjórnarflokkarnir þurftu ekkert að hlusta frekar á Framsókn.  Þeir ættu bara að láta hana stand við orð sín en ekki eyða heilli viku  í að dekstra Sigmund Davíð.

Í öllum þessum farsa er glögglega komið í ljós að hinn ungi formaður ræður engu. Hinni ungu og snoppufríðu stjórn flokksins er ætlað að safna atkvæðum svo flokkurinn, eins og Sjálfstæðisflokkurinn, geti haldið áframhagsmunagæslu S-hópsins og fleiri valdasjúkra spillingarpostula sem enn halda í taumana á bak við tjöldin. Halda menn kannski að Alferð Þ. Halldór Á, Palli P. séu hættir að hjálpa þeim sem þeir gáfu Búnaðabankann.  Finnur og Ólafur þurfa ennþá sitt og það fá þeir í gegnum Framsóknarflokkinn.  Eins og alltaf.

Því miður getur Jóhönnustjórnin lítið gert í því.  En ef kosið verður til stjórnlagaþings eigum við von um að hægt verði að taka til í spillingarsamfélaginu innan fárra ára. 

Ingibjörg á Bessastaði í dag