Fótboltavöllur

Það er alveg sama hve mikið dekra við Laugardalsvöllinn. Hann verður akdrei skemmtilegur fótboltavöllur. Til þess eru áhorfendur alltof langt frá atinu sem á sér stað í hverjum leik.

Ef fótbolti á að verða vinsæl íþrótt á Íslandi þarf að skapa almennilega umgjörð um hann þannig að fólk lifi sig inn í það sem fram fer á vellinum og finnist það vera þátttakendur í iinhverju sem máli skiptir.

Það gerist ekki eins og fótboltavellir á Íslandi eru í dag nema með einni eða tveimur undantekningum.

Dekrað við Laugardalsvöllinn

Verður næsti landsliðsþjálfari Norðmanna sænskur

Verður Jan næsti landsliðsþjálfari Norðmanna 

Það var athyglisverð umræða á NRK2 í kvöld um stöðu landsliðsins og þjálfara þess eftir niðurlæginguna á móti Íslandi.  Ég segi niðurlægingu því það var aldrei í kortunum hjá nokkrum Norðmanni að Ísland gæti hugsanlega stungið af með stig frá Ullevål.

Stór hluti Norðmanna vill nú Hareide út og hefur fengið meira en nóg af útskýringum hans á að persónuleg mistök hafi orðið til þess að Ísland náði jafntefli.  Þessi svokölluðu persónulegu mistök hafa verið vörumerki norska liðsins nú hátt á annað ár og þá eru þau ekki bara leikmönnum að kenna. Þjálfarinn ber fulla ábyrgð á leik þeirra og ber því að axla ábyrgðina af vali sínu á leikmönnum.

Þð sá líka hver maður sem fylgdist með leiknum að norska liðið skapaði sér nánast engin marktækifæri frekar en það íslenska.  Þess vegna var jafnteflið sanngjörn úrslit. En ef eitthvað er þá voru okkar menn nær sigri en heimamenn.

Og nú hafa Norsarar semsagt fengið nóg af Åge og ásökunum hans um mistök einstakra leikmanna.  Þeir heimta nýjan þjálfara.  Sá sem er heitastur er enginn annar en Jan Jönsson, þjálfari Stabæk ef marka má fótboltasérfræðingana sem ræddu saman á NRK í kvöld. 

Ekki vitlaus hugmynd

Það væri gaman að vita hvað er að gerast innan Frjálslynda flokksins.  Hefur Guðjón Arnar ákveðið að hætta í stjórnmálum og segja af sér sem formaður F.  Ef svo er er það ekki vitlaus hugmynd að Sigurjón taki við í brúnni.  Hann er yfirleitt bæði faglegur og  málefnalegur í umræðunni um sjávarútvegsmálin.  Nokkuð sem ekki verður sagt um trúðana Magnús H. og Jón M. 

 Svo er náttúrulega Ólafur Friðrik Magnússon góður kostur fyrir flokkinn.

En séu menn að brugga launráð gegn Guðjóni Arnari eru menn að skjóta sig í fótinn.  Guðjón Arnar er persónugervingur Frjálslynda flokksins og sá leiðtogi hans sem lang mestrar virðingar nýtur hjá þjóðinni. Hann hefur marg oft sýnt að hann er vel hæfur  flokksleiðtogi. En því miður fyrir hann og flokkin eru meðal þingliðsins aumkunarverðir sirkusapar sem aðeins eru eftir persónulegum frama.

Vilja að Sigurjón gefi kost á sér sem formaður Frjálslynda flokksins

Hyypia að vonum sár

Skil mæta vel að Sami Hyypia sér sár og svektur yfir ákvörðun Benitez að henda honum út úr Evrópuhópnum fyrir komandi leiktíð.

Engin leikmaður á Anfield hefur skilað liðinu betra starfi þau ár sem Hyypia hefur verið hjá félaginu en Finninn. Og þakklæti sitt sýnir Spánverjinn hógværi með því að kasta honum fyrir róða.

Það er sjálfsagt rétt og alveg eðlilegt að Sami Hyypia hefur elst um nokkur ár síðan han kom á Anfield Road. Hann hefur líka tapað einhverju af hraða sínum sem nauðsynlegur er í ensku deildinni. En það breytir ekki því að Hyypia er enn mjög frambærilegur miðvörður og með betri varnarmönnum liðsins enn í dag.

Ég verð að segja þá skoðun mína að mér finnst að Rafa Benitez hefði getað gert síðustu leiktíð Finnans honum skemmtilegri en hann hefur nú gert. Ef ástæðan er að það þurfti að henda út einum útlendingi  hefði farið betur á því að það hefði verið einhver annar en Sami Hyypia.  Þessir apatittlingar sem Benitez sjálfur hefur keypthafa ekki allir staðið undir væntingum. Eignilega veit ég ekki hvað hann ætlar sér að gera með leikmann eins og Rayan Babel í Meistaradeildinni.

Þá hafa Arbeloa og  Aurelio aldrei sýnt að þeir séu í þeim gæðaflokki sem ætlast er til af Liverpool leikmönnum.  Dossena á eftir að sanna sig og það á reyndar Martin Skrtel eftir að gera líka. Hefði verið nær að skilja einhver þeirra eftir heima en finnska víkinginn.  Þess vegna finnst mér meðferðin á Sami Hyypia og einnig hvernig farið var með Steve Finnan Rafael Benitez til háborinnar skammar.

Hyypiä tvístígandi varðandi framtíðina hjá Liverpool

Góð ákvörðun Þorgerðar

Það eru nætum ekki takmörk fyrir heimskulegum fyrirspurnum Jóns Magnússonar í Þinginu.  Hann hefur rausað um bruðlið í Þorgerði Katrínu í sambandi við Kínaferðirnar á ÓL og farið mikinn.

Ég held að hver einasti viti borinn Íslendingur sjá það í hendi sér að það var glæsileg ákvörðun íþróttaræapherrans að gefa sér tíma til að vera viðstödd þann atburð þegar íslenskt lið vinnur í fyrsta sinn til verðlauna á Ólympíuleikum.  Það sýnir þó að a.m.k einn ráðherra í ríkisstjórninni hefur áhuga á verkefni sínu.  Og ef fólki vex í augum að ríkasta þjóð heims geti ekki fórnað 1,8 milljónum í slíka ferð ættum við einfaldlega að leggja niður allar keppnisíþróttir í sparnaðarskyni.  Þá væri kanski hægt að gleðja þjóðina með smá skattalækkun. 1.800.000.oo gefa jú nokkra aura í skattaafslátt ef þeim er jafnað út yfir skattpínda þegnanna.

Ég er engin sérstakur stuðningsmaður Þorgerðar Katrínar Gunnarsdóttur en í þessu tilfelli finnst mér hún eiga heiður skilinn. Bæði fyrir að sýna stuðning sinn í verki í Peking, ásamt forsetanum og eins fyrir móttökurnar er landsliðið kom heim.

Áfram Ísland

Myndi taka þessa ákvörðun aftur

Árni og Agnes = Ást

Árni Johnsen dettur ekki úr háum söðli þegar hann predikar yfir fólki vegna ósmekklegs orðavals eða skíthroða.  Jafnvel þó hann setji ofaní við Agnesi Bragadóttur.

Annars er gaman að sjá að Árni segir réttilega að hann hafi gert upp við dómskerfið.  Hann tók út sinn dóm og það er ekkert nema gott um það að segja. En að hann skildi draga það inn í málsvörn sína að hann hafi hlotið uppreist æru lýsir í besta falli megnustu smekkleysu eða dómgreindarleysi eins og staði var að þeim gjörningi.  Einhven veginn held ég að sjálfur dómsmálaráðherrann geti ekki annað en séð eftir að hafa notað tækifærið þegar forseti lýðveldisins var í útlöndum að fixa eitt stk æruuppreist fyrir Vestmanneyjagoðann sem aldrei hefur viljað viðurkenna að hann hafi gert neitt rangt.  Hins vegar heyrist það gjarnan að honum hafi þótt kerfið fara illa með sig og allt tal um svindl og þjófnað sé byggt á misskilningi. 

En ég er sammála því að Árni tekur inn prik þegar hann fyrirgefur Agnesi skítkastið og bullið sem hún viðhafði um hann.

Eitt eiga Árni og Agnes þó sameiginlegt. Hvorugt þeirra hefur vott að sjálfsgagnrýni í genum sínum. 

    

Árni fellur frá málssókn á hendur Agnesi

Skotar eru góðir gestir

Það ber að fagna því að Skotar fjölmenna til landsins til að sjá landsleikinn á morgun. Skotarnir eru alltaf skemmtilegir og góðir gestir á fótboltaleikjum ólíkt nágrönnum sínum sunnan landamæranna.

Einhvern veginn held ég samt að þeir verði ekki jafn glaðbeittir á miðvikudagskvöldið eins og þeir voru við komuna til Keflavíkur.  Hef fulla trú að að okkar mönnum takist nú loks að vinna Skotanna í landsleik. Þeim hefur alltaf tekist að hrekkja okkur og stundum fara illa með okkur.  Nú er tími til kominn að við setjum undir þann leka.

 

Áfram Ísland 

Innrásin frá Skotlandi

Bannað að kaupa sér blíðu portkvenna

Frá og með áramótum verður bannað með lögum að kaupa sér blíðu portkvenna í konungsríkinu. Þessi lög, sem hugsuð voru til að útrýma vændi með velferð kvennanna að leiðarljósi, hefur verið misjafnalega tekið.  Ekki síst brugðust hinar innfæddu portkonur illa við lögunum.  Alla vega í fyrstu.

Í viðtli við VG á dögunum sagðist ein hinna innfæddugleðikvenna hafa grátið þegar hún heyrði af því að það væri meirihluti á Stórþinginu fyrir lagasetningunni sem bannaði karlmönumm að versla við hana.  Með banninu væri búið að skrúfa fyrir hennar einu tekjulind. Og ekki getur hún sótt um atvinnuleysisbætur þar sem elsta atvinnugrein konunnar er ekki viðurkennd í norsku samfélagi.

Önnur norsk portkona, Júlía, lýsti hins vegar ánægju sinni með lögin. Hún segir að þau komi verst niður á götuvændinu sem mest er stundað af konum frá Nigeríu og austur Evrópu.  Hún og aðrar “heimavinnandi portkonur” myndu hins vegar hagnast verulega á lagasetningunni þar sem umsetning þeirra færi fram á netinu og blaðaauglýsingum og því væri það væri bara kostur að losna við ódýru hækjurnar í götuharkinu.

Júlía sagðist hafa verið gift og unnið áður á kassanum í Rema verslun þar sem hún hafði um 200 þúsund krónur á mánuði. Þau lúsarlaun nægðu ekki til að framfleyta henni í þeim lífstíl sem hún taldi sér sæma. Því tók hún því fegins hendi er vinkona hennar hjálpaði henni við að koma sér upp sjálfstæðum atvinnurekstri. 

Og nú getur Júlía hæglega  tekið inn 200 þúsund á dag og það þó hún vinni aðeins í hádeginu.  Ekki furða að hin 31 árs gamla Júlía sé hamingjusöm í dag.         

Stangarskotið opnar Veigari dyr

Veigar í baráttu við Brede Hangeland fyrirliða Noregs á laugardaginni

Jan Jönsson  þjálfari Stabæk hefur lýst mikilli ánægju með frammstöðu Veigars þær fáu mínútur sem hann fékk í leiknum á móti Noregi.  Þjálfarinn telur að þegar leikmaður hefur staðið sig vel í svo langan tíma sem Veigar Páll hefur gert í Noregi nú sé það eðlilegt að lið úr stærri deildum renni hýru auga til hans.

Jan sagði að hið viðstöðulausaa stangarskot hans hafi verið mjög vel útfært og flott skot.  Hann bætti við að Veigar hefði gert fína hluti þær mínútur sem hann var inniá og vera hans hafi kost að óöryggi í norsku vörninni.

Veigar hefur sjálfur sagt að hann hafi að sjálfsögðu áhuga á að komast í einhverja stærri deild en úrvalsdeildina í Noregi.  En hann yfirgefi ekki Stabæk til þess að fara spila með liðum í Danmörku, Svíþjóð eða Belgíu.

Jan Jönsson segir að hann muni ekki standa í veginum fyrir Veigari komi tilboð í hann frá liðum í sem hann getur hugsað sér að leika með. Hann bætir við að Veigar eigi svo sannrlega skilið að fá að reyna sig með sterkari andstæðingum en hann er að leika á móti í Noregi núna.

Þetta eru víkingar

Varla hafa menn búist við logni og blíðu í Grindavík.  En þessir strákar eru víkingar og láta ekki smá skammt af Grindavíkurloftslagi hafa áhrif á sig.  En það gæti verið að Skotarnir yrðu skelkaðir við þau veðrabrigði sem í Grindavík er að finna.

 

ÁFRAM  ÍSLAND

Fóru beint á æfingu og í Bláa lónið