Geir steinsefur í stjórnarráðinu

Aumingjaskapur Geirs Haarde sem leiðtoga þjóðarinnar er löngu orðinn opinber. Hann kemur ekki til með að hreyfa hönd eða fót til hjálpar þeim sem vilja bæta ímynd landsins sem hann ber ábyrgð á að beðið hefur hnekki.

Það sem er þó enn sorglegra er að svo virðist sem  samráðherrar forsætisráðherrans virðast ekki hafa döngun í sér til að vekja hann. Sefur kannski öll ríkisstjórninn á fundum sínum eða er ráðherrunum bara andskotans sama ímynd og álit Íslands í samfélagi þjóðanna.

Það er von að "skríllinn" æsist.  Hann er bara að reyna að fá ráðamennina til að rumska og gera eitthvað þarfarraa en að stara í gaupnir sér.

Það er til ævarandi skammar ef ríkistjórn Geirs Haarde setur fótinn fyrir björgunarstarf  Indefence.

Fresturinn að renna út

Athugasemdir

[Ingunn Guðnadóttir, 4.1.2009 kl. 21:11]

Ég er hrædd um að þetta sé eitt af því sem mun koma illu blóði í íslendinga næstu misseri.

Og hvað gerist þá??

[Heidi Strand, 4.1.2009 kl. 21:44]

Geir er að haardera og samspillingin eru með stóra smjörklípu á lofti.

[Jón Ólafur Vilhjálmsson, 4.1.2009 kl. 22:24]

Því miður er ríkistjórnin í endalausum innanhúsdeilum og vita ekki neitt í sinn H því annar flokkurinn gengur til vinstri og hinn til hægri og allt gliðnar og verður að engu.