Lýðskrum Davíðs eða lygi Ingibjargar

Enn stangast á fullyrðingar Seðlabankastjóra og ráðherra ríkistjórnarinnar. Davíð sagði í morgun að hann hafi sagt ríkistjórninni að 0% líkur væru á að bankarnir lifðu af kreppuna á fjármálamörkunum.  Ingibjörg segir að hann segi ósatt.  Ekki er langt síðan Geir Haarde bar til baka fullyrðingar Davíðs um varnaðarorð til ríkisstjórnarinnar.  Annað hvort er málflutningur Geirs rangur eða Davíð hefur logið.

Er ekki tími til kominn að þjóðinni verði gerð grein fyrir því, með óyggjandi hætti, hver segir satt og hver skrökvar í þessu máli.  Hvernig á þjóðin að geta borið traust til ríksstjórnarinnar eða Seðlabankastjórnarinnar ef hún ekki veit hverjum hægt erað trúa.  Og ef íslenska þjóðin hefur ekki traust á þessum æðstu stjórnvöldum samfélagsins hvernig getum við þá búist við að erlendir viðskiptaaðilar treysti Seðlabankanum og ríksistjórninni.

Halda menn virkilega að krónan fari niður fyrir 290 evrurnar í Evrópubankanum og farið verði að skrá gengi krónunnar í viðskiptabönkum álfunnar meðan ekki er hægt að treysta íslenskum stjórnvöldum.

Það var þó ánægjulegt að Geir og Davíð og söfnuður þeirra gat glaðst yfir 8% hækkun á gengi krónunnar á Íslandi.  En það var bara engin hækkun á gengi hennar hér í Noregi.  Hún finnst ekki meðal skráðra gjaldmiðla.

Ingibjörg: Aldrei talað um 0% líkur

Athugasemdir

[Gunnlaugur B Ólafsson, 4.12.2008 kl. 21:44]

Fannst þú vera að taka afstöðu í öðru máli sem þú hefur ef til vill ekki kynnt þér nægjanlega. Hvet þig til að kynna þér mína hlið. Með góðri kveðju, G

[101 (IP-tala skráð) 4.12.2008 kl. 22:04]

Hvoru tveggja.

[Sævar Finnbogason, 5.12.2008 kl. 01:38]

Hér er um að ræða bæði lýðskrum davíðs og Ingibjörg að sveigja hjá sannleikanum. En hér er þýðing á yfirlýsingunni Úr PÓLITÍSKU yfir á ÍSLENSKU

http://savar.blog.is/blog/savar/entry/735029/

[Dunni, 5.12.2008 kl. 07:25]

Já Doris.  Ég hef nákvæmlega sömu tilfinningu fyrir því af hverju Ingibjörg S valdi að fara í stjórn með Geir, þ.e. flokknum sem hún hafði heitið að koma út úr stjórnaráðinu eftir kosningarnar.  Í staðinn geirnegldi hún virkið í kringum Sjálfstæðisflokkinn og ákvað sjálf að búa í ástlausu sambúðarformi með óvininum innan virkisveggjanna.

Hennar dagar eru taldir fylgi hún ekki eftir yfirlýsingum sínum um ástandið í Seðlabankanum.

PS.  Annars virðist mér Ingibjörg vera lítill "davíð" inn við beinið. Það er grunnt á valdashroka og frekjuna þar á bæ líka.