Frábært

Til hamingju

Ómar Ragnarsson verðlaunaður

Hægri bylgja í norskum stjórnmálum

Í Gallupkönnun sem TV2 í Noregi lét gera og birt er í dag fær Kristilegei þjóðarflokkurinn rothögg og Miflokkurinn, norski Framsóknarflokkurinn, er dauðrotaður. Hann missir alla sína þingmenn. Reyndar er Krf aðeins brotabroti frá því að þurkast út af þinginu en sleppur með 2 fulltrúa á 3,6%.

Ef kosið yrði í dag fengju Framfaraflokkurinn og Hægri hreinan meirihluta á þinginu.  Það er í fyrsta sinn í sögunni sem þessir flokkar mælast með sameiginlegan meirihluta. Hægri myndi bæta við sig 10 þingmönnum og fá 33 meðan Frp bætir við sig 18 þingmönnum og færi í 56 þingmenn.  Þar með gætu þessir 2 flokkar myndað meirihluta án hjálpar frá Vinstri flokknum og Krf.

Nú þegar rétt ár er til kosninga þurfa rauð/grænu flokkarnir heldur betur að taka sig saman í andlitinu ætli þeir sér eitthvað með landstjórnina á næsta kjörtímabil. Hvert spillingarmálið á fætur öðru hefur dunið á Sp og Verkamannaflokknum sem gerir það að verkum að fylgið hrynur af þeim.

En þrátt fyrir lofandi útkomu hægriflokkanna er ekki útséð með það hvort þeim takist að mynda ríkistjórn.  Til þess verður baráttan um forsætisráðuneytið alltof hörð.  Konurnar tvær sem leiða flokkana, Erna Solberg hjá Hægri og Siv Jensen hjá Frp, gera nefnilega báðar tilkall leiðtogastólsins.

Ákveðinn læknir

 Læknir nokkur í Harstad í Noregi sendi heilbrigðisyfirvöldum í fylkinu ákveðin skilaboð um að hann vilji ekki hafa neitt með útlendinga að gera á læknastofu sinni. Þeir verði að leita annað með veikindi sín. Einnig segir hann þvert nei við að meðhöndla konur á breytingarskeiðinu. Hann vill einnig sleppa við að fá heimsóknir af alltof kröfuhörðum sjúklingum. 

Ekkert hefur enn frést hvernig heilbrigðisnefndin í Harstad afgreiddi beiðni (kröfur) læknisins.

Drátturinn endaði í hafinu.

  Ekki enda öll ævintýri jafn vel og ævitýrið um Öskubusku. Það fékk 45 ára gamall Óslarbúi að reyna nóttina eftir afmælisdag Haraldar konungs. Eftir að hafa tekið konu nokkura upp í bifreiðina, sem bauð honum blíðu sína til sölu, ók maðurinn eftir ástarbraut borgarinnar út á bryggju eina á fáförnum stað.  Samfarir fólksins urðu öllu blautari en ráð var fyrir gert því í miðju atinu rákust þau í gírstöngina með þeim afleiðingum að bifreiðin hafnaði í sjónum. Parið bjargaði sér hjálparlaust í land og lét lögregluna vita af óhappinu. Þegar lögreglan kom á staðinn fann hún stúlkuna lítt klædda og manninn með gúmmíverju  sem sitt eina skjól. Öryggið á oddin stendur enn fyrir sínu.

Flottir bátar

Kíkti inn á skemmtilega bloggsíðu í morgun. Nánar tiltekið hjá Jakobi Kristinssyni. Sá að hann hafði bloggað um Bjarna Harðarson sem mér finnst skemmtilegasti þingmaður Framsóknarflokksins. Bloggið var skemmtilegt aflestrar en það sem fangað mig enn meir voru bátamydirnar sem Jakob hefur sett svo skemmtilega á síðuna sína.

Þarna fann ég bát sem ég hef sjálfur verið á og skipar stóran sess í huga mínum sem og fleiri bátar sem mér eru minnistæðir einhverra hluta vegna.

Eftir að hafa skoðað myndirnar vel og vandlega  fór maður að láta hugan renna vítt og breitt um bátaflotan frá 1960 - 1980. Hvaða bátar voru flottastir, hverjir fiskuðu best, hvaða vélar voru í þeim o.s.frv.

Upp í hugan komu sterkast tveit bátar.  Víðir SU 175 og Ásberg RE 22. 

Víðir SU var lengi flaggskip íslenska fiskiskipaflotans þótt hann væri bara 80 tonna Svíþjóðarbátur.  Báturinn bar af fyrir snyrtimennsku og var allatf miklu líkari stífbónaðri snekkju en fiskibáti. Ekki vegna þess að ekki kæmi uggi þar um borð því Víðir var alla tíð mikið aflaskip. Heldur vegna metnaðar skipsjórans, Sigga Magg, sem fékk fyrstur íslenskra sjómanna hina íslensku fálkaorðu frá forsetanum.

Siggi var skrautlegur karakter.  Hann skrýddist ákveðnum einkennisbúningi þegar hann stóð í brúnni á skipi sínu. Það voru svartar vaðmálsbuxsur og hvítir ullarsokkar utan yfir skálmarnar.  Þá var karlinn í hvítri ullarpeysu og með hvíta húfu á hausnum.  Það var stíll á honum.

Sigurður seldi síðan bátinn til Vestmannaeyja þar sem hann fékk nafnið Ágústa VE.  Báturinn hafði ekki verið lengi í Eyjum þegar hann leit orðið út eins og svínastía miðað við það sem áður var. Hann sökk síðan á síldveiðum árið 1965 að mig minnir.  Þar fór fallegur og góður bátur fyrir lítið.

Síðast þegar ég hitti Sigga Magg var ég á síldveiðum í Norðursjó. Hann var þá skipstjóri á ransóknarskipinu Árna Friðrikssyni sem var við síldarleit í Norðursjónum.  Við hittumst einu sinni í Leirvík á Shetlandi þar sem við vorum vegna brælu. Ég hafði þá heyrt að karlinn væri að hætta til sjós og spyr hann eitthvað út í það. þá sagði hann setningu sem ég aldrei gleymi.

 "Já ég er að hætta. Þessir vitleysingar ráku mig af því þeir ætluðu að yngja upp hjá sér. Svo réðu þeir mann sem er þremur árum yngri en ég".

Vera mín á Ásberginu minnti mig oft á Víði SU. Björn Jónnson, skipstjórnn þar um borð, var ámóta snyrtipinni og Siggi Magg. Ísbjörninn HF átti bátinn og því var Ísbjarnarmerkið á skorsteininum. Í hvert einasta skipti sem við lögðum af stað í land þrifum við allan bátinn, innan dyra sem utan. Og sérstaklega var passað upp á að bjarndýrið væri vel pússað og það færi ekkert á milli mála að þarna væri ísbjörn en ekki skógarbjörn.

Bjössi átti það líka sameiginlegt með Sigga að vera mikill fiskimaður og sérlega gætinn og öruggur skipstjóri.  Báðir gátu þeir hvesst sig og þá fór það ekkert fram hjá neinum á dekkinu.  Við mokfiskuðum þennan tíma sem ég var um borð og ég held að við gaurarnir á Ásberginu höfum bara verið nokkuð stoltir af plássinu okkar. Enda engin ástæða til annars. 

FH - Aston Villa

Það verður fjör hjá FH að taka á móti Aston Villa.  Ég ætla að tippa á að FH vinni á heimavelli. Vona það alla vega. Fýlupokinn, Martin O'Neill, á ekert betra skilið fyrir að lofa ekki Barry að fara til Liverpool.

Kalli Bronsaði

Um það leyti sem ég hugðsit setjast inn og lesa Egilssögu brast á í sjónvarpinu gömul mynd með Charls Bronson.  Sú heitir Hard Times og þrátt fyrir að hafa séð hana alla vega tvisvar breytti ég áætlun kvöldsins. SIt núna klístraður við skerminn.

Sá Bronsaði verður sint talinn meðal öflugustu leikara Hollywood en mikið asskoti var alltaf gaman að sjá hann.  Hann hafði eitthvað við sig karlinn.  

Ármann Smári skorar

Nú eru um 15 mínútur eftir af leik Ventspils og Brann í Lettlandi og staðan 2 - 1 fyrir heimamenn.

Brann vann fyrri leikinn í Bergen 1 - 0 og því gæti svo farið að Ármann Smári tryggi Brann áframhaldandi veri í Meistaradeildinni.  Þá er það Marseille sem verður næsta verkefni Íslendingaliðsins í Bergen.

Það er nú svo að alltaf þegar Ármann Smári skorar eru það mörk sem skipta verulegu máli fyrir Brann. Hann átti ekki  minnsta þáttin í meistaratittlinum í fyrra. 

Frábært hjá Hornfirðingnum sem nú leikur sinn fyrsta leik eftir bakuppskurðinn í vetur.

 Pálmi Rafn Pálmason verður að öllum líkindum í byrjunarliði Stabæk á morgun er þeir gera atlögu að Rosenborg á Lerkendal. 

Hestar og verðtrygging

Hef haft gaman að að fylgjast með umræðunni á blogginu um verðtryggingu lána.  Hef líka alltaf haft gaman af að hlusta á Guðmund Ólafsson og þótt hann mæla viturlega ekki síður en Njáll fyrir 1000 árum.  En verðtryggingarkenning hans með hestana var vindhögg sem hvorki bændur og búalið né almenningur getur skilið.  Hann tók hvorki aldur hrossana við útlán og skilun með í reikninginn. Ekki heldur fóðurkostnað, dýralæknisþjónustu eða hirðingu.

En það er nú önnur saga. 

Ég man vel eftir þegar verðtryggingin var sett á fyrir ca 27 árum. Þá var ég að byggja hús og fannst í raun sjálfsagt að lán yrðu verðtryggð þegar umræðan um það hófst. En þá átti ég líka von á að launin yrðu verðtryggð þannig að húsbyggjendur þyrftu ekki einir að halda uppi efnahagsjerfi þjóðarinnar.  Sú varð ekki raunin.  Maður sætti sig samt við þetta kerfi þar sem fólki var tjáð að þetta væri eina tiltæka tækið sem til væri til að ná niður óðaverðbólgunni sem fór í ein 136% á þessum árum.  Þetta átti sem sagt að vera skammtímalausn til  að hjálpa efnahagskerfi lýðveldisins á lappirnar aftur. 

Gott og vel. Þetta virtist vera "ok" í einhvern tíma. En þessi skammtímalausn er enn við lýði  þó ljóst sé að það hefði verið hægt að leggja verðtrygginuna til hliðar fyrir mörgum árum þegar verðbólgan var í öldudalnum.  Þá átti auðvitað líka að gera ráðstafinir til að koma efnahagskerfinu af vínabrauðsfótunum og að minsta kosti á álfætur. 

Verðtryggingin og kvótaniðurskurðurinn sífelldi haldast í hendur.  Bæði áttu að vera skammtímalausnir til að rétta við efnahaginn og fiskistofnanna. Báðar skammtímalausnirnar hafa nú verið í gangi á þriðja áratug og hvorug virkar. Verðbólgan rýkur upp og fiskistofnarnir minka. Hver skeit eiginlega í skóinn sinn?

Það var ekki gert. Í staðinn var haldið áfram á sömu braut og áður. Stóriðju og erlendu fjármagni mokað inn í landið og stjórnvöld sátu brosandi í stjórnarðáðinu og horfðu á velgengnina í samfélagiu út um gömlu fangelsisgluggana. Allir vissu að við lentum í öldudal á milli ævintýranna og nákvæmlega það hefur gerst nú.

Nú spyr ég vegna fávisku minnar.  Hvers vegna er svona miklu stöðugra efnahagslíf í löndunum í kringum okkur?  Af hverju hafa Norðurlöndin ekki tekið upp efnahagsvisku Íslendinga og verðtryggt lán?  Eru hag og viðskiptafræðingar í Evrópu svona miklu vitlausari en á Íslandi?  

Gamli heimasíminn að víkja fyrir GSM og breiðbandinu

Norski símarisinn, Telenor, upplýsir í dag að yfir 100 þúsund viðskiptavinir þeirra hafa lagt gamla heimilissímanum og nota í stðinn GSM síma eða breiðbandssíma.

Aðala keppinautur Telenor, Tele2, tekur í sama streng og segir að sífellt fleiri leggi nú heimasímanum.  Bæði símafyrirtækin eru þó á því að heimasíminn muni halda velli.  Fólki finist hann öruggari og svo sé ódýrara  að halda sambandi við fjölskylduna upp á gamla móðinn en með GSM.

Sjálfur hef ég haft breiðbandssíma síðan 2004 og sá er mun ódýrari en gamli fasti síminn.  Hjá fyrirtækinu Telio borga ég 159 nkr. á mánuði og get hringt til allra landa Evrópu og N-Ameríku án þess að borga eyri aukalega fyrir það.  Til annara landa kostar samtalið hjá Telio bara brot af því sem það kostar hjá gömlu risunum. En hringi maður í GSM síma kostar það eins og maður hringdi úr GSM.

Svo hér getur fól parað sér pening.