Guðni hinn faglegi eða .......

„Niðurstaða Þórunnar er ómarkviss og ekki faglega tekin.“  Svo mælti Guðni Ágústsson í ræðu á Húsavík þar sem hann hefur farið mikinn ef marka má frétt mbl.is.

 Þyssi fullyrðing Guðna getur vel verið rétt. Ekki ætlka ég að dæma um það.  En einhvern veginn finnst mér að Guðni hefði betur haldið kjafti í stað þess að ropa þessari yrðingu út úr sér því stærri hnullungi úr glerhúsi hefur varla verið kastað á Íslandi á þessari öld.

Þeir sem hafa fylgst með stjórnmálaferli Guðna vita það mæta vel að fagmennskan hefur ekki alltaf verið fyrirferðamikil hjá honum sjálfum.  Bæði sem þingmaður og á stuttum ráðherratíma sínum voru það æfinlega þjóðerniskenndar ungmennafélags tilfinningar sem stjórnuðu gerðum hans en ekki fagamennska.  Í ofanálag sér hann aldrei út úr augum fyrir miskilinni  ást sinni á sveitum landsins. Þess vegna voru flestar hans ákvarðanir sem ráðherra heimskulegar í augum hins almenna Íslendings. Hann vill vel en misskilur nútíma samfélag.  Guðni lifir í hugsunarhætti og þekkingu frá 1908 og það hefur mikið vatn runnið til sjávar á Íslandi á þeirri öld sem liðin er. 

En við brostum við Guðna landbúnaðarráðherra vegna þess að hann var skemmtilegur á stundum í vitleysunni og einhver veginn held ég að þjóðin hafi fengið mynd af góðum strák í ungmennafélagsforkólfinum.  Og það held ég að sé alveg rétt mynd.  En Sverrir Stromsker tókst að leiða okkur ansi nærri sannleikanum um hvernig kvarnirnar í hausnum á honum snúast. 

Kreppa af völdum ráðherra

Veigar Páll í landsliðið

Þær fregnir bárust frá Bærum í dag að Veigar Páll væri kominn í íslenska landsliðshópinn. Veigar hlýtur að gleðjast yfir því og þar með verður gleði hans tvöföld þar sem kona hans ól honum þeirra annað barn á mánudaginn fyrir 8 dögum.

Norskir blaðamenn voru hreinlega að fara á límingunum yfir því að Veigar hlyti ekki náð fyrir augum landsliðsþjálfarans.  Þessar fréttir frá Nadderud Stadion hljóta að lappa upp á geðheilsu þeirra og það er bara gott eitt um það að segja.

 Annars er mikil stemning fyrir  leiknum í Noregi  og eftir afleitt gengi norksa landsliðsins á undanförnum árum er krafan einföld. Sigur á Íslandi eða höfuð Åge Haraide á silfurfati.

Norðmenn gera sér fulla grein fyrir því að þó margir íslendingar hafi leikið í Noregi við góðan orðstý er mikill munur á norskum og íslenskum fótbolta.  Það sýnir líka árangur norska landsliðsins síðustu 15 árin þó þau síðustu hafi verið mögur mjög.

Ég hef fulla trú á að Ísland geti unnið Noreg á Ullevål.  En til þess þarf hver einasti leikmaður í hópnum að hafa þann vilja sem þarf frá því liðið kemur á miðvikudag þar til blásið verður til leiksloka á laugardag. Ef menn ætla að sigra verða þeir að vinna saman. Það þýðir einfaldlega að enginn má bregðast liðinu er á hólminn er komið.  Það er skítlegt ef einhver heldur að hann geti verið farþegi í landsleik.  Þjálfarar liðsins verða að vera vakandi fyrir því að menn séu að leggja sig 100% fram og ekki hika við að taka þá útaf sem leyfa sér að slaka á þó ekki sé nema múnutubrot.  Það þýðir að einbeitingin er ekki til staðar og þar með hafa menn ekkert að gera inná vellinum.

Við stuðningsmenn liðsins munumleggja okkur fram. Því get ég lofað.  Hef trú að að Íslendingar fjölmenni á Ullevål. Það verður engin svikin af því. Ullevål er frábær völlur þar sem áhorfendur eru mjög nálægt leikmönnum og komast ekki hjá þvi að vera í snertingu við leikinn.

 

Áfram Ísland

Góður gæi

Fletcher hefur oft verið gagnrýndur harðlega.  M.a. af félaga sínum fyrrverandi, Roy Kean, sem eiginlega var rekinn frá United i kjölfar gagnrýni sinnar.

Skotinn hefur sannað sig ágætlega og á fullt erindi í lið meistaranna.  En ég vona þó að þeir verði ekki meistarar í vor.  Verst að Ferguson hlustar ekkert á óskir annara og valtar bara yfir allt og alla og líka Liverpool.

Fletcher tryggði United sigur á Fratton Park

Það eru ekki alltaf jólin.

Gunnar Heiðar Þorvaldsson er kanski talinn til mestu "floppa" í danska boltanum þessar vikurnar. Í norska boltanum var Gunnar talinn með betri framherjum og forráðamenn Vålerenga taldir sauðir að hafa látið Esbjerg kaupa hann á tobóluprís meðan þeir voru að ákveða sig.

Það eru náttúrulega ekki meðmæli með framherja að skoara ekki mark í 5 leikjum í röð. En Gunnar Heiðar er aldeilis ekki sá fyrsti sem upplifir það.  Hann á eftir að sanna sig í Danmörku og það gerir hann örugglega á sama hátt og hann gerði í Noregi.   Hans er sárt saknað í Vålerenga sem er eins og tannlaust villdýr síðan hann yfirgaf félagið.

Gunnar Heiðar í hópi fimm mestu „floppa“ dönsku úrvalsdeildarinnar

Grindavíkurbær þarf ekki að skammast sín fyrir neitt.

Mér finnst það nú full langt gengið að halda því fram að þegar leikmenn Grindavíkur ná ekki að standa sig eftir væntingum að allt bæjarfélagið þurfi a skammast sín.

Ég er alveg klár á því að hafnarvörðurinn, skólabílstjórinn eða hjúkkan hefur ekkert að skammast sín fyrir þó UMFG tapi leik.  Ekki einu sinni gangaverðirnir í skólanum þurfa að skammst sín.

Ef einhver þarf að skammast sín fyrir að tapa leik eru það þeir leikmenn sem ekki hafa gefið sig 100% í leikinn af einhverri ástæðu.  En það er nú bara þannig að menn eru misjafnlega upplagðir á stundum og það er ekkert til að  skammast sín fyrir.  Hitt er annað mál þegar menn nenna ekki að leggja sig fram eiga þeir að skammast sín oní rassgat fyrir að svíkja félaga sína í liðinu, stuðningsmenn og styrktaraðila.  Þar með talið bæjarfélagið sem reitir ótæpilega úr sjóðum sínum til þess að hægt sé að keppa með höfuðið hátt í Grindavík.

 En það er góður eiginleki hjá leikmönnum að horfast í augu við staðreyndir og skilja og viðurkenna þegar þeir hafa klikkað.  Þá geta þeir tekið sig saman í andlitinu og gert betur næst. Annars ekki.

 

Áfram Grindavík  

„Bæjarfélaginu til skammar“

Heimavöllurinn hættulegur

Það lítur einna helst út fyrir að heimavöllurinn sé Grinvdíkingum hættulegur þessa leiktíðina.  Alla vega gengur okkur illa að safna stigum á annrs fínum fótboltavellinum í höfuðstað Suðurnesjanna. Frömmurum tókst að lappa örlítið upp á tölfræði sína á Grindavíkurvelli þar sem þeir hafa ekki alltaf riðið feitum hestum frá viðureignum sínum.

 Annars hefur greinilega verið háspennna í leikum kvöldisns.  Keflavík tapar stigum með nánast unnin leik gegn KR og það sama gerist í leik Fjölnis og FH þar sem FH-ingar jafna seint í viðbótartíma.  Það var þó alveg ljómandi gott. Það verð ég að segja.  Get ekki unað Keflvíkingu að hirða Íslandsmeistarabikarinn baráttulaust.   Hef fulla trú á að Heimir komi sínum mönnum á skrið aftur.

Nú er nokkuð ljóst að hörmungar Skagamanna eru tilkomnar vegna Guðjóns Þórðarsonar.  Bræðurnir eru búnir að fá einhverjar vikur til að lappa upp á liðið en það dugir bara ekki til.  Skagamenn hljóta að vera með afspyrnu slakt lið að þessu sinni og kanski er það besta lausnin fyrir þá finna sig í 1. deildinni  þar sem þeir finna jafningja sína.  Þeir gulu og glöðu mega muna sinn fífill fegurri.

Framarar sigruðu 2:0 í Grindavík

Bestir

Kristján Örn Sigurðsson átti mjög góðan leik í Brannvörninni gegn Rosenborg í kvöld og var að launum valinn maður leiksins á Brann Stadion.  Reyndar áttu Ármann Smári og Birkir Már einnig góðan leik.  En meistaraarnir frá Bergen geta þakkað Kristjáni fyrir að ná stiginu. Hann pakkað Steffen Iversen saman í hvert skipti sem sem Norðmaðurinn komst inn í teiginn og tæklaði hann upp úr skónum.

Birkir Bjarnason átti líka stórleik með Bodö á Akers Stadion í Molde og var valinn maður leiksins með einkunnina 7 af sérfræðingum TV2. Sennilega besti leikur Birkis í sumar.

Svo átti Veigar Páll flottan leik með Stabæk í gær og skoraði markið í 1 - 1 jafnteflinu gegn Lyn.  VG veltir því fyrir sér hvílíka snillinga Íslendingar eiga í boltanum ef ekkert pláss finnst fyrir Veigar Pál í landsliði eyjaskjeggja. Lítur út fyrir að Norsarar séu farnir a skjálfa fyrir 6. sept.

Þeir mega gjarnan skjálfa.

Tími aðgerða í efnahagsmálum er runninn upp

Svo hljóðar fyrirsögnin í fundarherferð Guðna Ágústssonar á hringferðinni sem nú er að hefjast.

þessi yrðing á sjálfsagt allan rétt á sér. Það þarf virkilegt átak í efnahagsmálum á eyjunni okkar þrátt fyrir slifurpeningana 15 frá Kína. En spurningin er hvort Guðni Ágústsson sé rétti maðurinn til að taka til hendinni. Alla vega ekki ef ef maður á að dæma út frá svörunum við spurningum Stormskers á dögunum.  Það var alveg sama hversu einfaldar og barnalegar spurningar tónlistarmannsins voru þá gat stjórnmálamaðurinn aldrei svarað einnu einustu þeirra.

Það getur vel verið að nafni minn hafi verið ágætur ungmennafélagsformaður á sínum tíma. En hann er afar slakur flokksformaður í dag.  Það er engu líkara en Guðni hafu dagað uppi árið 1932.  Það er reyndar tölvert áður nafni fæddists en mér finnst einhvern veginn að hann sé fæddur gamall. Alla vega í hugsun og málfari. 

þegar maður hefur á tilfinningunni að flokksformaðurinn sé tímaskekkja í Framsókn, sem er tímaskekkja út af fyrir sig, þá getur maður varla vænst umbóta og framfara úr þeirri átt. Frekar forneskju og afturfarar.  Og það er ekki það sem við þurfum til aðgerða í efnahagsmálum núna.

Ekki Framsókn takk fyrir takk.

Birkir Bjarnason

Birkir Bjarnason var fljótur að stimpla sig inn í leik Molde og Bodö/Glimt.  Birkir skoraði fyrsta markið strax á 7. mín í 1 - 2 sigri B/G.

 Þá skoraði Kjartan Finnbogason fyrsta markið í 3 - 1 sigri Sandefjörd á Löv Ham.

Brann - Rosenborg

Þrír Íslendingar hefja leikinn fyrir Brann er liðið tekur á móti Rosenborg eftir 15 mínútur.

Ármann Smári Björnsson og Krisján Örn eru miðverðir og Birkir á hægri kantinum.  Mér segir svo hugur að Ólafur Örn sé meiddur og ekki almennilega leikfær fyrir átökin við RBK.  Óli situr þó á bekknum ásamt Gylfa Einarssyni.  Það þýðið að það eru 5 Íslendingar á leikmannaskýrslu Brann í kvöld.