Hermann er höfðingi

 

Hermann Hreiðarsson er einn glæsilegasti knattspyrnumaður Íslands á þessari öld.  Hann hefur alltaf staðið sig með prýði hvar sem hann hefur komið.  Það segir miklu meira um Tony Adams en Hermann af hverju hann hefur fengið svo fá tækifæri með Portsmouth undir stjórn fyrrum Arsenalfyrirliðans í vetur.  Adams var rekinn og Hermann blómstrar.

Adams þarf á skólun að halda og Hermann Hreiðarsson getur hjálpað honum með það. En ég er ekki viss um að Adams geti nokkurn tíman gert Hermann að betri knattspyrnumanni. Hemmi er nefnilega betri en Adams bæði sem knattspyrnumaður og MAÐUR.

Hermann vinsæll hjá stuðningsmönnum Portsmouth

Athugasemdir

[Gísli Foster Hjartarson, 22.2.2009 kl. 00:47]

Hemmi vinur minn er einn besti knattspyrnumaður Íslands á þessari öld og þeirri síðustu er það ekki? Topp drengur Hermann

[Eiríkur Guðmundsson, 22.2.2009 kl. 04:26]

Ég tel að Hermann hafi gert meira fyrir til dæmis Íslenska landsliðið en Eiður Smári, sem oft virðist ekki nenna að spila leiki og mætir reyndar ekki í þá alla. Þannig hugarfar verður maður ekki var við hjá Hermanator

[Gísli Sigurðsson, 22.2.2009 kl. 13:55]

Ég tek undir með þér Dunni að Hermann er höfðingi. Ég fór með son minn sem studdi Liverpool á leik á Anfileld þar sem þeir voru að spila gegn Charlton sem Hermann lék með á þeim tíma (í mars 2006) Ég var búinn að hafa samband við Hemma áður en við fórum út og bað hann að hitta okkur. Það var sko minnsta mál í heimi. Við urðum þess heiður aðnjótandi fyrir orð góðra manna að fá að fara inn á Player´s lounge eftir leik og hitta þar alla leikmenn Liverpool. Þar kom að sjálfsögðu Hermann og færði syni mínum treyju sína en sá að sjálfsögðu strax að þetta var nú kannski ekki það sem hann langaði mest í svo hann brá sér frá í 2 mínútur og kom svo til baka með treyju Cisse. Þá hafði hann farið inn i klefa heimamanna og bara tekið treyjuna af Cisse. Þess má geta að Siggi sonur minn lést af völdum krabbameins réttum 6 vikum síðar á þeim merka degi í sögu Liverpool 15. apríl.

[Dunni, 22.2.2009 kl. 17:54]

Hermann er alveg einstakur maður.  Hann er alltaf tilbúinn að leggja mönnum lið og gleðja aðra með nærveru sinni.  Ég heyrði af þessari Liverpool ferð ykkar feðga. Mummi vinur minn sagð mér frá henni. Held að hann hafi verið í þessari ferð líka. 

Það er alltaf gaman að koma á Anfield. Alltaf tekið vel á móti manni þegar maður kemur sem blaðamaður þangað.  Peter Robinson, gamli stjórnarformaðurinn var einstakur karl og reddaði mér einu sinni um miða handa konunni minni þegar ég var í blaðamannastúkunni.  Uppselt var á leikinn og Peggy, sú sem stjórnaði miðasölunni á leikdögum, var alveg eyðilögð að hafa ekki miða. En þegar hún vissi að ég var blaðamaður frá Íslandi hringdi hún í mr. Robinson sem sagði henni að láta íslensku konuna fá miða í heiðursstúkuna.  Fyrir aftan hana stóð síðan Alex Ferguson sem ekki hafði sæti.

Svo er borgin bara svo skemmtileg líka.

[Gísli Sigurðsson, 22.2.2009 kl. 23:52]

Dunni þú ferð kannski ekki lengra með það en ég er nú ekki stuðningsmaður Liverpool heldur þeirra helstu fjenda í Manchesterborg. En höfðinglegar voru móttökur þeirra púlara. En einn leikmaður var dálítið púkalegur, afundinn og hreinlega hrokafullur fannst okkur og sá á uppruna í landi því sem þú býrð í í dag.

[Dunni, 23.2.2009 kl. 17:39]

Hann hundskaðist í burtu frá Anfield og engin saknar hans.  Hann nýtur auk þess mjög takmarkaðrar virðingar í landi sínu.   Hins vegar má hann eiga það að hann hefur bætt framkomu sína og var ekki vanþörf á.  Hann þarf að taka litla bróður sinn sér til fyrirmyndar. Sá er gull af manni.

En ég skal ekki segja nokkrum manni að þú styðjir MU.