Bubbi aftur kominn á upphafsreit

Gott framtak hjá Bubba og EGÓ-inu að troða upp fyrir góðan málstað.  Með þessari upptroðslu stimplar Bubbi hressilega inn á upphafsreitin aftur.  Að rokka fyrir alþýðuna.  Sagan sýnir okkur að rokktónlistarmennirnir hafa oftast verið í fylkingarbrjósti þegar almúginn hefur þurft að sigrast á óréttlæti og ofbeldi.  Þeir hafa líka verið í fararbroddi þegar hungruð heimi hefur verið hjálpað eða fátækum sjúklingum útveguð lyf og legupláss.

Bubbi varð sjálfur fyrir barðinu á útrásarvíkingunum og veit því að eigin raun hve þungt höggið getur verið.  Það sem Bubbi hefur fram yfir marga aðra er að kunna að koma boðskap sínum á framfæri. Þess vegna er hann frábær liðsmaður í baráttuna gegn spillingunni sem viðgengist hefur í skjóli nýfrjálshyggjunnar.  Hann hefur örugglega ekki smekki fyrir að horfa aðgerðarlaus upp á embættis og stjórnmálamennina sem firra sig allri ábyrgð af verkum sínum, sitja í öruggu skjóli valda sinna og hafa ekki ráð á að semja um niðurskurð á margföldum ofureftirlaunum sínum.

Meðan almenningur þarf að sætta sig við lífeyrisgriðslur upp taldar í þúsundum sitja fyrrum ráðherrar og bankastjórar og str´júka á sér ístruna meðan lýfeyrisgreiðslur taldar í milljónum streyma inn á bankareikninga þeirra.  Þetta er hið "réttláta" þjóðfélag sem þeir hafa búið okkur.

Ætla menn að halda áfram að láta þetta yfir sig ganga. 

Bubbi mótmælir við Seðlabankann

Athugasemdir

[Húnbogi Valsson (IP-tala skráð) 10.2.2009 kl. 11:59]

Ég mætti við seðlabankann í gær, beint úr vinnunni. Einhver vingjarnlegur maður kom og lánaði mér steikarpönnu og sleif. Þá fann ég að eirnahlífar eru nauðsynlegar. Ég ætla að mæta aftur á morgun, með eitthvað til að slá taktinn.

Ég held að þeir sem aldrei hafa tekið þátt í mótmælum muni fyrr eða síðar fá samviskubit, því að þetta er í þágu okkar allra, líka þeirra sem heima sitja. Það er ekki gott fyrir sálina að láta aðra vinna verkin fyrir sig og hirða ávinninginn fyrirhafnarlaust.

[Hólmfríður Bjarnadóttir, 10.2.2009 kl. 14:11]

Bubbi á gott með að orða hlutina og setja orðin við laglínu sem gott er að syngja og þægilegt að muna. Hann er mikill listamaður og mannvinur.

[Dunni, 11.2.2009 kl. 06:32]

Bubbi er góður.