Reiði Benna ekki að ástæðulausu.

Það er fyrir löngu komið í ljós að þessir Ameríkanar sem eiga Liverpool  eru ekki neins trausts verðir. Þeir vinna hvor á móti öðrum og báðir vinna þeir gegn Benítez. 

Spánverjinn er ekki sá stjóri sem ég vildi helst sjá á Anfield.  En það breytir ekki því að miðað við aðstæður hefur karlinn unnið kraftaverk.  Hann hefur aldrei getað keypt þá leikmenn sem hann hefur viljað en orðið að tína upp molana sem eftir verða þegar Utd, Chelsea Real Madrid, Manchester City*SS* og aðrir vel reknir klúbbar í Evrópu hafa keypt það sem þeir vilja.

Ég skil réttláta reiði Rafa.  En það var óheppilegt að hann fór að tala, með réttu, um oft á tíðum ruddalega framkomu Ferguson í sömu mund og hann ræddi astandið á Anfield.  En ég hef fulla trú á að Rafael Benitéz geri Liverpool að meisturm í vor. Hann þarf bara að vera ákveðnari í því hvaða leikmenn hann ætlar að treysta á.  Það dugar ekki að halda að Gerrard og Torres dragi vagninn einir í mark.

Benitez pirraður vegna seinagangs í samningaviðræðum

Athugasemdir

[Hafliði (IP-tala skráð) 9.1.2009 kl. 23:19]

"Það dugar ekki að halda að Gerrard og Torres dragi vagninn einir í mark"

Athyglisverð setning ef tekið er mið af því að Liverpool er á toppi deildarinnar þegar tímabilið er rúmlega hálfnað og Torres hefur nánast ekkert spilað og Gerrard misst úr nokkra leiki : )

Held einmitt að Liverpool hafi meiri breidd en margir vilja vera að meina.

[Frelsisson (IP-tala skráð) 10.1.2009 kl. 00:16]

þeir eru einmitt með flottan hóp og það er rétt að Torres hefur lítið spilað í ár. Það er mikill misskilningur ef menn halda að Gerrard og Torres sé að draga þetta einir. Man ekki betur nema að Liverpool hafi t.a.m sigrað united sannfærandi fyrr í vetur án beggja. Reyndar kom Gerrard inn á á 70 mín í þeim leik. Það er mikil breidd í hópnum og liðið mjög vel skipað. Það er helst ein staða á vellinum sem gæti talist veikari en aðrar og það er vinstri bakvörðurinn sem þí er ásættanleg staða. Við höfum á að skipa 2 í allar stöður, eitthvað sem maður hefur ekki vanist fyrri ár.