„Og við erum engir ábyrgðaraðilar á því,"

Vel mælt og drengilega af Guðna Ágústssyni er hann kom af fundi með ráðherrunum eftir að hafa heyrt afarkosti IMF.  Guðni yfirfjósamaður í Framsókn hefur ekki meiri pólitískan þroska en illa læs fermingardrengur.  Hann virðist ekki skilja, eða kannski vill ekki skilja,  að hann ber fulla ábyrgð á því ástandi sem nú ríkir í íslensku samfélagi ásamt Sjálfstæðisflokknum.

En nú er maður farinn að skilja afhverju ríkistjórnin vill ekki hafa hann með í ráðum til að hreinsa flórinn eftir hann sjálfan.  Hann skilur einfaldlega ekki það sem menn eru að fást við. Hann skortir bæði menntun og hæfileika til að ná því að hugsa "abstrakt" og það staðfestir hann með hverri ræðunni á fætur annari þar sem hann hamrar alltaf á sömu tuggunum. Nefnilega hvað hann stóð sig vel sem ráðherra og hvað ríkistjórnin er arfa vitlaus. En hann kemur sjaldnast með marktakandi dæmi um staðhæfingar sínar.

Það verður að segja eins og er að það er mjög mikill munur á leiðtogum stjórnarandstöðuflokkanna.  Steingrímur á það til að tala í frösum og það hendir Guðjón A. líka. En báðir eru málefnalegir og hlaupast ekki undan ábyrgð. Enhvern veginn held ég að við munum seint heyra „Og við erum engir ábyrgðaraðilar á því," úr þeirra börkum.

Hroðalega þröngir kostir

Athugasemdir

[haukur (IP-tala skráð) 24.10.2008 kl. 13:32]

Lestu fréttina áður en þú belgir þig út. Hann segir að stjórnarandstaðan beri ekki ábyrgð á tillögunni.

Anda inn, anda út....

[Dunni, 24.10.2008 kl. 13:42]

Og telja upp að 10 o.s.frv.  Þetta gerði ég allt saman.  Það sem ég var að benda á er að Guðni er samábyrgur fyrir því hvernig komið er.  Þess vegna var upphrópunin hans heimskuleg.  Hann ber að sjálfsögðu ekki ábyrgð á því sem ríkistjórnin gerir í dag.  En maður sem áttar sig ekki á því að það er verið að moka skítinn upp eftir hann líka hefði getað tjáð sig á heppilegri hátt.

[Greta Björg Úlfsdóttir, 24.10.2008 kl. 13:51]

Kallarnir voru reyndar að fara inn á fundinn, ekki að koma af honum.......þeir Guðni og Steingrímur gáfu sér allt þetta fyrirfram, eins og er háttur þeirra sem ég kalla "rauðu riddarana".

[Dunni, 24.10.2008 kl. 13:56]

Skiptir engu máli hvort þeir voru að koma eða fara.  Þeir vita það sjaldnast sjálfir.

Ég vona samt að Steingrímur viti að hann ætlar til Óslóar á morgun hvar hann hefur boðað fund með Íslendingum er áhuga hafa á boðskap hans.

[Greta Björg Úlfsdóttir, 24.10.2008 kl. 14:05]

Góður punktur

[Jón Ólafur Vilhjálmsson, 24.10.2008 kl. 15:39]

Stjórnarandstaðan ber ekki ábyrgð á þessum innlánsreikningum það er fjármálaeftirlitið og seðlabankinn þessir reikningar fara á fulla ferð yfir rúmu ári síðan. Þessir reikningar eru vandamálið og fjölmiðlum var bannað að seigja frá því. Bankarnir komnir í stórvandræði fyrir ári síðan. Hvers vegna  sögðu fjölmiðlar ekki að fólk ætti að vara sig á peningabréfum ef útlitið var svona slæmt. Þeir gátu upplýst fólk sem ekki er í miklum bankapælingum að vara sig á sölumönnum glæpsins.

[Dunni, 24.10.2008 kl. 16:43]

Framsóknarflokkurinn ber jafn mikla ábyrgð á þessum reikningu og Sjálfstæðisflokkurinn. Þeir voru við völd er nýfrjálshyggjulögin voru samþykkt með óheftum útrásarkapitalisma.  Faramsóknarnautið sofnaði á verðinum.

Það er ekki hlutverk fjölmiðla að stjórna peningamálastefnu þjóðarinnar.  Hlutverk fjölmiðla er að halda uppi gagnrýninni umræðu og miðla fréttum að fólki. 

En af hverju héldu stjórnöld og Seðlabanki að sér höndunum árið 2006 þegar fyrstu aðvaranir um afleiðingar peningamálastefnu þjóðarinnar voru orðnar mönnum ljósar.  Viðvaranir bárust þá þegar frá Englandi, USA og íslenskum hagfræðiprófessorum. Framsókn ber ábyrgð á því að á þetta fólk var ekki hlustað. 

[Greta Björg Úlfsdóttir, 24.10.2008 kl. 17:16]

Ég held að við eigum eftir að sjá mikla vinstri-sveiflu í næstu kosningum. Það ætla ég að minnsta kosti að vona.

Framsókn er búin að vera, það ætla ég að minnsta kosti líka að vona!