Hvers vegna?????

Hvers vegna í ósköpunum gat það gerst að íslensk stjórnvöld skelltu skollaeyrum við skýrslu Bretanna. Það er ekki eins og þeir hafi verið þeir fyrstu eða einu sem vöruðu stjórnvöld við.  Haft hefur verið eftir Sigmundi Sigurgeirssyni, aðstoðarmanni fjármálaráðherra, að honum hafi ekki þótt Siebert og Buiters hafa neitt nýtt eða merkilegt fram að færa. Íslenskir sérfræðingar hafi verið að babla á sömu nótum og ekki hafi þótt ástæða að taka mark á þessum viðvörunum.  Bankarnir voru í góðum málum.

Ummæli Sigurgeirs staðfesta að bæði hann og yfirmaður hans, Árni Mathiesen, eru með öllu vanhæfir í þeim embættum sem þeir gegna. Reyndar er ráðherraferill Árna, bæði í sjávarútvegsráðuneytinu og nú í fjármálaráðuneytinu, svo maður tli nú ekki um í dómsmálaráneytinu, varðaður aðgerða og dugnaðarleysi ráðherrans. Árni er bara pínulítill sprellikarl sem slengir út örmum og fótum þegar Davíð eða Björn kipaí spottan.  Þess vegna nýtur hann minnstrar virðingar allra ráðherra ríkistjórnarinnar.

En af hverju ekki var hlustað á bæði innlenda og erlenda sérfræðinga er venjulegu fólki óskiljanlegt.  Við eigum skýlausa kröfu á að stjórnvöld geri gtrein fyrir því hvers vegna það ekki var gert.  Var það ríkistjórnin eða var það Seðlankinn sem taldi skýrsluna of viðkvæma til að efni hennar yrði gert opinbert?  Hvort var það Davíð eða Geir sem ákvað að stinga öllum viðvörunum viðurkenndra vísindamanna undir stól?  Ef gripið hefði verið í taumana í sumar hefði þá verið hægt að koma í veg fyrir svo stóran skell sem við höfum fengið núna?  Ef svarið við síðustu spurningunni er jákvætt er þá ekki augljóst hverjir bera ábyrgð efnahagshruninu. Varla verður Landsbankanum kennt um sem varaði við sofandahætti stjórnvalda og Seðlabanka.

 

Útreið Íslands engin tilviljum

Athugasemdir

[Fannar (IP-tala skráð) 18.10.2008 kl. 17:41]

Það er ógæfa Íslands að hafa svona hátt hlutfall af vanhæfum embættis- og stjórnmálamönnum.

Davíð hefur valdið ómældum skaða í seðlabankanum. Árni er náttúrlega bara einhver kjáni sem hægt er að treysta fullkomlega til að klúðra öllu sem hann kemur nálægt.

Geir virðist ráðvilltur í öllu sem hann segir og gerir. Eina sem ég hef heyrt hann taka af skarið með er það að hann styðji Davíð 100% sem seðlabankastjóra. Þarna er trygðin við Davíð mikilvægari en þjóðarhagur að mati Geirs.

Síðan vantar meira gagnsæi hvað varðar þessar aðgerðir sem nú eru í gangi með bankana. Hvað er verið að selja, með hvaða afföllum o.s.frv. Nægir það til þess að borga innlánin.

Ég er annsi smeikur um að því verði klúðrað af miklum myndugleik eins annað sem þessir valdhafar hafa komið nálægt.

[Greta Björg Úlfsdóttir, 18.10.2008 kl. 21:29]

Þarna er tryggð Geirs við Davíð mikilvægari en hans eigin stjórnmálaferill, myndi ég segja.