Vesalings Martin O'Neill

Tek undir það að vitleysan í kringum Gareth Barry er orðin að sápuóperu. 

 En það er með ólíkundum hvernig félagið og þá sérstaklega stjórinn, Martin O'Neill, hafa komið fram við þann leikmann sem reynst hefur liðinu betur en nokkur annar.  Nú þegar hann óskar eftir að fá að yfirgefa félagið til að reyna fyrir sér með stærra og betra liði.

Nú er svo komið að Barry vill ekki lengur spila fyrir Villa en O'Neill vill ekki leyfa honum að fara. Það lítur því út fyrir að þverhausinn, O'Neill, situr upp með sinn besta leikmann í óyndiskasti sem mun varla reynast liðinu vel.

Sennilega hefur velgengnin stigið Martin O'Neill alltof hátt yfir höfuð. Hrokinn hefur tekið völdin í hausnum á Íranum og það er sennilega ástæðan fyrir arfa slöku gengi  Aston Villa í fyrra.      

Barry gæti enn gengið til liðs við Liverpool

Rektu hellvítið...

Verð að segja að ég er undrandi á að lesa um uppákomuna eftir spjall Sverris og Guðna Á.

Get svo sem skilið að Guðni gangi út ef honum er misboðið.  Það hafa ekki allir sömu þenslumörk fyrir skemmtilegheitum og svo virðist vera að þenslumörk fjósamannsins í Frammsókn hafi sprungið.

En þegar stjónmálamenn eru farnir að vaða í útvarpsstjóra frjálsu útvarpsstöðvanna til að fá barnslegar uppákomur sínar stöðvaðar er alltof langt gengið.  Get ekki ímyndað mér annað en að útvarpsstjórninn, flokkssystir Guðna og fyrrum mjaltarkona í Framsóknarfjósinu, hafi fundist heimtufrekja fjósamannsins óþægileg.  Og ef það er rétt að hann hafi líka farið fram á að Sverrir yrði rekinn frá útvarpsstöðinni er fjósamaðurinn kominn úr öllum takti við öldina sem við lifum á.

Mætti halda að hann hafi gengið í sama skóla og Putin 

Eystrasaltslöndin

Ég var í Tallin um síðustu helgi. Þvælist mikið um Eysrasaltslöndin. Alltaf gaman að heimsækja þau.  Ég fer gjarnan í skoðunarferðir um borgirnar og það er alltaf jafn gaman þegar fararstjórarnir spyrja hópinn hvaðan fólk kemur.  Um leið og maður segir að maður komi frá Íslandi færist bros yfir andlit farastjóranna og þeir segja um leið að Ísland skipi sérstakan sess í hjörtum þeirra. Allir vita nefnilega að Ísland var fyrsta ríkið sem viðurkenndi sjálfstæði þeirra þegar þau slitu sig, eitt af öðru, frá Sovétríkjunum.

Allir muna Jón Baldvin, Vigdísi og Ólaf Ragnar. Ég man ekki eftir að nokkur hafi minnst á Davíð. En það er önnur saga.

Get mælt 100% með því að fólk taki sér ferð á hendur til Tallinn eða Jurmala í Lettlandi og slappi af, fái sér nudd og notalegheit á spa-stöðum þessara borga. Vilnius i Litháen býður reyndar upp á spameðferðir líka en það eru fá hótel í borginni sem bjóða upp á slíka nautn.

orangetours.no er ferðaskrifstofa í Noregi í eigu Íslendinga sem sérhæfir sig í ferðum til Austur-Evrópu og sérstaklega Eystrrasaltslandana. Held aðengin verði svikin af reisu í þá áttina.

 

Sælukonungsríkið

Rúmlega 20 ár eru síðan atvinnuleysi var minna í Noregi enn það er í dag. Þess vegna er Noregur sæluríki farandverkafólks.  Atvinnuleysið hefur minnkað um 19% frá sama tíma í fyrra.

En það er ekki bara það að allir sem vilja hafa vinnu.  Hér geta menn líka sofið rólegir vegna þess að það er passað upp á þegnana. Ríkið passar mjög vel upp á að allir borgi skatta, að fólk fari eftir settum reglum, ekki minnst umferðarreglunum. Vegmyndavélar eru út um alt og mæla hraðan og það þýðir ekkert að gabba myndavélarnar með að gefa gas á milli þeirra.  Þegar þú kemur að þeirri næstu reiknar hún nefnilega út hraðan á leiðinni.

Svo eru alltaf einhverjir elskulegir bílstjórar em aldrei aka yfir hámarkshraða. Helst aðeins undir honum og þeir passa síðan vel upp á að engin aki hraðar en þeir með því að hleypa engum framúr.

 Þá eru líka fjöldi manna og kvenna sem láta rétt yfirvöld vita ef maður plantar tré í vitlaust horn á garðinum eða byggir skýli yfir öskutunnurnar án þess að vera með stimplað leyfi upp á mannvirkið.

Svona getur maður lengi talið og þess veegna líður manni vel hér  hjá Haraldi kóngi. Mjög vel því ég veit að það er passað upp á mig á öllum stöðum. Hér er maður í góðri gæslu.  

Hann skoraði og skoraði 126 mörk

Þegar þetta er ritað eru liðnar 15 mínútur af seinnhálfleiknum í ágóðaleiknum fyrir Ole gunnar Solskjær.  Hann kemur inná eftir 10 mínútur.

Meðan á leiknum stendur er gaman að velta fyrir sér smá tölfræði fyrir Norskarann.

Aðeins 2 útlendingar hafa unnið fleiri tittla í enska boltanum en Solskjær. Það eru markverðirnir Bruce Grobbelaar sem náði sér í 13 tittla með Liverpool og Peter Schmeichel með 10 tittla hjá Man Udt eins og allir vita.

Ole hóf ferilinn hjá Clausenengen í Kristjansund og skoraði í sínum fyrsta leik og alls 115 mörk í 109 leikjum fyrir liðið.  Þá skoraði hann í sínum fyrsta leik fyrir  Molde (nú kemur goðið inná) og 21 mark á sinni fyrstu leiktíð í úrvalsdeildinni norsku.  Han var valinn í landsliðið það ár, 1994 og skoraði þar í sínum fyrsta leik. Solskjær lék alls 65 landsleiki og skoraði 23 mörk.

1996 kemur hann til United og skoraði þar einnig í sínum fyrsta leik.  Mörkin í United urðu alls 126 í 336 leikjum. Hann kom inn sem varamaður í 150 leikjanna.  Hann er númer 14 af þeim sem mest hafa skorað fyrir United

Aðeins tveir leikmenn í sögu Mancehster United hafa fengið borða með nefninu sínu opinberlega hengt upp á Old Trafford. Það eru Solskjær og George Best.

 Svo það er greinilegt að Ole Gunnar Solskjær hefur frá nógu að segja barnabörnunum sínum þegar aldurinn færist yfir hann.

 

 

Mjólk og bílar á okurverði í Noregi.

Nýmjólk er sannkölluð munaðaravara í konungsríkinu ef mið er tekið af verðlagningunni. Reyndar er verðið misjafnt eftir framleiðendum og verslunum. En í flestum búðum kostar mjólkurlítrinn um 18 nkr.

Mjólkurvörur eins og jógurt og ostar eru hins vegar á svipuðu verði hér og á Íslandi. Munurinn er bara sá að á Íslandi fær maður góða og bragðmikla brauðosta  meðan þeir norsku bragðast ein og síðurnar í gamla Alþýðublaðinu. Þær voru ekki góðar.

 Bílar er annar vöruflokkur sem er dýrari í Noregi en á Íslandi. Sérstaklega er það bagalegt hvernig amerísku bílarnir eru verðlagðir. Gjöld ríkisins á þeim eru ofurhá vegna vélarstærðar þeirra og mengunartölur þeirra eru heldur ekki í takt við vilja norskra stjórnmálamanna.  Þess vegna er nær ómögulegt að fá keyptan sjálfskiptan amerískan bíl nema láta flytja hann sértsaklega inn fyrir sig.

Þeir "amerísku" bílar sem fáanlegir eru með góðu móti eru Chervolettar framleiddir í Kóreu. Þeir eru flestir beinskiptir og með litlar vélar.  Vilji maður kaupa eitthvað stærra og sjálfskipt þá kostar það varla undir 800 þúundum nkr.

Svona er Norge í dag

Er ódýrasta mjólkin á Íslandi?

Ole Gunnar Solskjær

Það verður stór dagur hjá norska "drengnum" Óla Gunnari Sólskeri í dag.  Hann fær ágóðaleik sinn heftir 11 ár hjá Manchester United á Old Trafford í dag þegar United og Espanyol leiða saman hesta sína.  Solskjær ætlar sjálfur að spila í 20 mínútur.

78000 þúsund áhorfendur munu borga sig inn á leikinn en sá norski ætlar að nota peningana að mestum hluta í að byggja upp skóla fyrir fátæk börn í Afríku.

Hef aldrei og kem aldrei til með að vera United fan.  En margir leikmanna félagsins hafa þó lent í ákvðnu uppáhaldi hjá mér en engir eins og Solskjær Gerog Best eins ólíkir karakterar og þeir nú eru.

En það er full átæða til að óska Solkjær til hamingju með daginn sem hann kemur örugglega aldrei til með að gleyma.

Áfram Óli Gunnar 

Led Zeppelin

Í gærkvöldi fengum við góða gesti í heimsókn í hjólhýsið.  Eftir langa og góða máltíð, grillaður lax og ungverskt hvítvín ásamt örðum guðaveigum eftir á, héldu gestirnir heim um kl 23:30.

 Þá var kominn tími til að setjast framan við sjónvarpið og sjá tónleika kvöldsins, sem NRK1 býður gjarnan uppá seint á laugardagskvöldum og sjá og heyra Led Zeppelin.  Það er nefnilega ekki á hverjum degi sem sú hljómsveit sést á sjónvarpsskerminum.  Ég var kátur mjög með að geta nú séð snillingana aftur.

En vonbrigðin urðu mikil. Það vantaði ekkert upp á gítarrtæknina hjá Mr. Page.  Frábær fingraleikfimi.  Og Plantan öskraði sem aldrei fyrr.  En það sem ég hugsaði eftir að hafa horft á þessa tónleika var einfaldlega þetta.  "Hvers vegna í andskotanaum hafði maður gaman að þessari hljómsveit á sínum tíma.  Þetta er svo hundleiðinlegur flutningur á mörgum hundleiðinlegum lögum."  

Og ég velti því líka fyrir mér hvað hefði orðið úr þessari annars mögnuðu sveit, því það var hún, án John Paul Jones. Hann er sannkallaður snillingur og eftir því sem mér hefur verið sagt var hann heilinn á bak við fyrstu 2 plötur þeirra sem að mínu mati eru einu eru þeirra bestu verk.  Númer tvö er hreint meistarastykki.  Eftir það eru Led Zepplin plöturnar einfaldlega leiðinlegar.  Eitt og eitt gott lag inn á milli en að öðru leyti bara rugluð fingraleikfimi með ljónsöskrum.

Verð þó að vera svolítið jákvæður um þessa fyrrum stórsveit.  Mér fannst æðislegt að heyra þá flytja eitt af allra bestu rokksslögurum sögunnar, "Rock & Roll" av LZ IV. Það eru ekki mörg rokklög sem flljóta betur af jafn mögnuðum krafti og söngurinn sá.

 Ég á 6 fyrstu plötur Zeppana á gamla góða vinilnum. Og nokkrar hef ég keypt í CD-formatinu. En sú eina sem ég nenni að hlusta á er Led Zeppelin II.  Einstaka sinnum, kanski 5. hvert ár, skelli ég Coda ofan á geislan þegar mér verður hugsað til Bonhams. Hann var magnaður trommari. Næstum eins og Viðar mágur.

En nú hlakka ég til að fara á flotta tónleka í Fredrikstað um næstu helgi.  Þar verður Ken Hensley á ferð með Eiríki Haukssyni og bandinu hans.  Hensley hefur heimsótt Fredrikstad nú 5 ár í röð og í fyrra voru tónleikar þeirra Hensley og Haukssonar meira en æðislegir. Þeir voru frábærir.  Þá skemmdi .að ekki fyrir að bassistinn Glen Huges var gestur þeirra og átti flotta innkomu.

 Annars verða Ray Davis og Jeremy Spencer á sviðinu á Nododden Blues Festeval í dag.  Kemst því miður ekki þangað.  En gaman væri að sjá þessa kappa. Davis er sagður í fantaformi núna og hann segist loksins vera búinn að jafna sig eftir skotárásina hér um árið.

Spencer var og er flinkur gítarleikari.  Það var mikil eftirsjá í honum þegar hann hvarf úr Fleedwood Mac og virtist hafa horfið af yfirborði jarðarinnar. En svo dúkkaði karlinn upp í Noregi og treður upp hér af og til.  Hann á stóran þátt í því að Notodden Blues Festival er orðin ein stærsta og virtasta blueshátið Evrópu.

Annars voru bæði Springsteen og Iron Maiden með tónleika hér á dögunum og áttu norskir tónlistarskrípentar ekki orð till aða lýsa hrifningu sinni.  Þeir sem fylgjast med Maiden segja að tónleikarnir í Ósló og í Kaupmannahöfn um síðustu helgi séu bestu tónleikar sveitarinnar "ever". Það eru stór og dýr orð og gott ef þau eru sönn og rétt.

    

Frábær frammistaða hjá Fimleikafélaginu.

Frammisaða FH geng Lúxemborgurunum var ákveðin lyftistöng fyrir íslenska knattspyrnu.  Það er ekki á hverjum degi sem íslensk lið vinna með 4 marka mun á útivelli í Evrópukeppnunum.

Sigur FH er því ákveðið afrek þó Grecenmacher sé ekkert stórlið í Evrópuboltanum.  Það eru íslensku liðin ekki heldur.  Þarna er verið að keppa á jafnréttisgrundvelli. 

FH áfram eftir stórsigur í Lúxemborg

Gleðitíðindi í Breiðholtið.

Sannkölluð gleðitíðindi fyrir alla Breiðhyltinga.  Eiríkur hefur verið með bestu körfkuknattleiksmönnum landsins á annan áratug og það er þvi gleðiefni fyrir körfuboltaunnendur að fá að berja hann augum eina vertíð til.

Óska öllum ÍR-ingum til hamingju og Eiríki góðrar leiktíðar í lok síns glæsta ferils.

Eiríkur ætlar að halda áfram hjá ÍR