Geir er góður lærisveinn

Geir Hilmar var snöggur að leggja til launalækkun hjá hæstlaunðu embættismönnum landisins eftir að hann heyrði í útvarpinu að að Útvarpsstjóri NRK í Noregi reið á vaðið fyrstur launþega í Evrópu til að biðja um launalækkun.

Góður hagfræðingur hann Geir Hilmar Haarde og hann veit líka hvað fólkið vill heyra.

  

Óska eftir launalækkun

Loksins fengu Ísfirðingar hefnd

Það var gaman að fylgjast með Útsvarinu í kvöld.  Ísfirðingar unnu Grindjána nokkuð örugglega og get ég vel unnt þeim þess.  Þeir áttu harma að hefna eftir tapleikinn í körfunni hér um árið.  Grindjánar náðu ekki að koma öllu liði sínu vestur vegna bilunnar í flugvél. Þeir mættu því með 4 leikmenn, aðstoðarþjálfara sem hóf leikinn, þrátt fyrir 23,5 kg yfirvigt og einn áhorfenda frá Grindavík uppi í stúku sem reimaði á sig lánaða körfuboltaskó.  Það dugði til að vinna heimamenn í troðfullu húsinu á Torfunesi.

Ísfirðingar voru sárir og svektir og kærðu leikinn til KKÍ þar sem þeir tödu að aðstoðarþjálfarinn væri ólöglegur leikmaður.  Það var náttútlega bara bull og vitleysa.

Það hvarflar ekki að okkur Grindjánum að kæra Ísafjarðarliðið í Útsvari þrátt fyrir að heill flokkur hafi svarað símasvarinu fyrir þá þar sem aðeins mátti njóta aðstoðar eins manns.  Sá er munurinn á Ísfirðingum og Grindvíkingum.  Óheiðarleiki kemur alltaf í bakið á mönnum. 

Geir & Ingibjörg kyssa á hönd kvalarana

Náði að sjá ca 90% af blaðamannafundi Geirs og Ingibjargar í dag.  Geir hefur verið nokkuð kokhraustur undanfarnar daga og sagt að hann láti ekki kúga sig til hlýðni.  Össur sagðist ekki kyssa vönd kvalarana. Ingibjörg reis af sjúkrabeði og þefaði að hönd kvalarana sem Ösur vildi ekki kyssa.

Niðurstaða blaðamannafundarins var sú að Geir lét kúga sig og Ingibjörg sleikti hendur kvalarana. Viðbrögð þeirra eru í réttu samhengi við það sem þau áður hafa sagt og gert.  Þau einblíndu á IMF og eftir að ESB rókin sameinuust um að vinna gegn okkur gátu þau ekkert annað gert en að hlýða kvalaranas boðskap. Þau hafa aldrie haft eða reynt að fá yfirsýn yfir stöðu Íslands í brælunni sem við nú siglum í gegnum. Geir var eins og blindur skipsstjóri sem rýnir í radar.  Hann getur ekki annað en strandað skútunni. Við fáum Icesave í hausinn þrátt fyrir að Englendingar hafi tekið yfir Landsbankann og þar með allar þær skuldir sem hvíldu á honum. 

Ábyrgð Sjáfstæðisflokksins og Samfylkingarinnar eykst stöðugt á hörmungum almennings á Íslandi. Stjórnin verður að fara opna augu og eyru og hlusta á þjóðina sem hún hefur umboð fyrir.

Ég er ekki vanur að blogga um aðra bloggara. En nú get ég ekki látið hjá líða að nefna tvo Jóna.  Bjarnason og V. Jónsson, ef ég man rétt.  Sá fyrrnefndi er þingmaður og hugsuður en hörmulega máli farinn hvort sem er í ræðu eða riti ef marka má blogg hans.  Svo fær maður heldur ekki möguleika til að svara blogginu hans.  Þess vegna nenni ég ekki að rökstyðja skoðun mína á Hóla bóndanum.  Ég hef verið nokkuð duglegur við að fylgjast með sjónvarpsútsendingunum frá Alþingi og í hvert skipti sem Jón Bjarnason tekur til máls hugsa ég; "aumingja Steingrímur að þurfa að svara fyrir þessa þvælu."

Hinn Jóninn er einhverskonar guðfræðingur held ég. Í dag bloggar hann um vönd kvalarana hans Össurar sem hann segir Ingibjörgu hafa kysst í dag.  Samhengislausara rugl hef ég vart lesið nema á síðu þessa sama guðsmanns.  Á hinum fyrsta hvitasunndegi gaf Guð mönnum málið og menn töluðu tungum sem ekki allir skildu en skildu samt.  Ég held að Gðsmaðurinn Jón V. ætti að biðja drottinn sinn um að gefa sér mátt til að mæla á tungu sem einhver skilur.  Ef mðaur ætlar að halda uppi samfélagslegri gagnrýni, í kristilegum anda, þá verða menn að vera samkvæmir sjálfum sér og byggja ræður sínar á bjargi krists en ekki Júdasar sem aldrei vissi í hvora löppina hann átti að stíga.

Skref í átt að ESB væru jákvæð

Litlu jólin í Grindavík eftir háspennusigur á Keflavík

Frábær sigur minna manna í kvöld.  Þetta er sko aldeilis ekki eini háspennuleikurinn milli þessara liða.  Venjan er sú að innbyrðis leikir Suðurnesjaliðanna eru ekki hollir hjartasjúklingum.  En mikið djéskoti eru þeir skemmtilegir. Þegar Grindavík vinnur.

Þá eru Gridnjánar búnir að leggja bæði Njarðvík og Keflavík að velli í haust og þar með getum við farið að halda upp á litlu jólin. 

Mínir menn klikka ekki þegar skyldan kallar.

Grindavík vann Keflavík í spennuleik

Dave Edmunds and friends / Flowers, Hljómar og Roof Tops

Þetta er ekki allra besta útgáfan af Sverðdansinum en það er bara alltaf gaman að sjá Edmunds flytja þetta verk.  Hann var frábær á Spáni 1980  en enn betri var flutningurinn með Love Sculpture 1969.  Flowers tóku þá útgáfuna og fluttu með stæl í Háskólabíói þann sama vetur í keppninni, Hljómsveit Ungu Kynslóðarinnar" það ár. Liðsmenn Hljóma og Roof Tops stóðu gapandi eftir að Flowers luku sér af og lýðurinn í salnum ætlaði aldrei að hætta að klappa, hrópa, stappa og öskra. Addi Sigurbjörns var frábær á gítarinn sinn og hefur reyndar verið einn alskemmtilegasti gítarleikari  Íslands.  Hann hafði sitt eigið "sound" sem gerði hann öðruvísi. 

Þetta sama kvöld var Eskifjarðarmærin, Soffía Wedholm, valinn fulltrúi ungu kynslóðarinnar. Enda lang flottasta stelpan á sviðinu.

Roy Keane var rekinn frá United

Ég man ekki betur en Roy Keane hafi verið rekinn frá Manchester United fyrir m.a. að úthúða félgögum sínum í liðinu fyrir getu og viljaleysi.  Nákvæmlega það sama átti sér stað með David Beckham. Hann var rekinn þegar hann var farinn að skyggja á Ferguson.  Sama má segja um Jaap Stam.  Ferguson þoldi ekki að Hollendingurinn nýtti sér tjáningarfrelsið og sagði álit sitt á stjóranum og því sem honum fannst betur mega fara hjá United.

Nicky og Phil voru alla tíð þægir og góðir drengir og fínir knattspyrnumenn. En þeir pössuðu ekki lengur inn í myndina hjá Ferguson.  Vantaði herslu muninn hjá þeim en báðir hafa fallið vel inn í sín nýju lið.

Alex Ferguson er og hefur alltaf verið harður jaxl sem veit nákvæmlega hvað hann vill og hvernig hann nær markmiðum sínum. Það sýnir árangur hans síðustu 25 árin hjá Aberdeen og Manchester United. Hann veit hvenær hann þarf að losna við menn úr leikmannahópnum og þegar þar að kemur sýnir hann enga miskun.  Nákvæmlega það sama er þegar hann situr fyrir svörum á blaðamannafundum.  Ef honum finnst menn ekki virða þær grensur sem hann setur talar hann ekki meir við viðkomandi.  Nú er hann búinn að loka dyrunum á sjálfa Sky.  Ég kynntist framkomu hans í garð blaðamanna á blaðamannafundi í júlí 1998.  Það var einstök upplifun og þá hrósaði ég happi yfir að ég virti vilja hans.  Eftir fundinn fékk ég, einn blaðamanna, einkaviðtöl við Roy Kean og Phil Nevil. "Taliði við Íslendinginn" sagði Ferguson þegar hann yfirgaf samkvæmið.  Það var ekkert leiðinleg upplifun það.    

Framtíð Gary Neville óljós hjá Manchester United

Flottir strákar

Verð að segja að mér finnst  framtak veggjakrotaranna frábært eftir að búið var að leiða þeim fyrir sjónir hvaða heismkupör þeir höfðu unnið.  Svona nokkuð hefur komið fyrir okkur flesta gaura á ákveðnum aldursskeiðum og þá er ekkert jákvæðara en þegar menn átta sig og hreinsa síðan upp skítinn.

Sýnist þetta vera gott dæmi um hvernig foreldrar og tjónþolar beita heilbrigðri uppeldisfræði við lausn málsins.  Nokkuð viss um að það verður bið á að þessir strákar leiðist út í veggjakrot á næstunni.

Sjálfur lennti ég í því að nokkrir krakkar krotuðu á vegg  í skólanum okkar.  Ég komst að því hvaða krakkar þarna voru á ferð. Án þess að segja eitt einasta orð við þau spjallaði við forledra þeirra sem síðan mættu niður í skóla með skjólur sápu og skrúbba og byrjuðu að hreinsa krotið af skólaveggnum.  Þá bauð ég þessum vinum mínum að líta út um gluggan og þau voru illa skömmustuleg er þau sáu mömmur og pabba standa í því að hreinsa upp eftir þau.  Og út fóru þau og tóku hreingerninguna í sínar hendur án þess að það þyrfti að fara rleri orðum um það.

Tek ofan fyrir öllum sem að þessu máli komu og sjálfsagt mínum gömlu nemendum líka.

Voru látnir hreinsa veggjakrotið

Hrokinn í Geir er að verða óþolandi

Hvernig getur forsætisráðherra lýðveldis leyft sér að halda því fram að forseti stærstu launþegasamtaka landsins eigi ekki að hafa skoðun á samsetningu ríkistjórnar.  Bara svona heimskuleg yfirlýsing er næg til þess að Geir Haarde ætti að hugsa sinn gang.   Gylfi Arnbjörnsson, forseti ASÍ, er þegn í landinu með kosningarétt eins og allri sem komnir eru á hans aldur. Afhverju ætti hann að þegja yfir skoðun sinni á ríksitjórninni. 

Auðvitað hefur forsætisráðherra ekkert með að það að gera hvernig stjórn ASÍ er sett saman. Hann hefur ekki kosningarétt á ASÍ þingunum.  Hitt er annað mál að hann má hafa skoðun á stjórn eða einstökum stjórnarmönnum samtakanna.

Björgvin Sigurðsson sat í ríkisstjórninni þegar skýrslan svarta barst frá Bretlandi síðast liðinn vetur. Fleiri viðvaranir höfðu einnig komið allt frá árinu 2001.  Þessar upplýsingar um háskasiglingu bankanna lágu því allar í ráðuneytinu þegar Björgvn settist í stólinn.  Að sjálfsögðu átti hann að vera búinn að kynna sér málin og ræða við FME.  Sú stofnun heyrir undir hann en hann ekki undir hana.  Það, að hann gerði ekkert til að kynna sér málin fyrr en alltof seint,  ber hann einn ábyrgð á.  Það þýðir því lítið fyrir Ingibjörgu að benda á að FME hafði ekki varað bankamálaráðherrann við.  Haldi hún því fram nálgast það siðblindu sem líka er næg sem brottrekstrarsök ráðherra.  

Sem stuðningsmaður Samfylkingarinnar finnst mér ömurlegt að fylgjast með þjónkunarhlutverki formannsins og fyrrverandi formans við forsætisráðherra og vörn hans í málum Seðlabankastjóranna.  Það er ógeðfellt hjá formanni flokks sem lýst hefur því yfir að hann vilji skipta um mannskap í brúnni á Seðlabankanum að standa síðan vörð um þessa sömu menn með forsætisráðherranum.  Ekki sérlega trúverðug frammistaða Ingibjargar þessa dagana.

Ég hef marglýst þeirri skoðun minni að bæði forsætisráðherra og fjármálaráðherra eiga að segja af sér sem fyrst eða í besta falli boða til kosninga í febrúar. Forsætisráðherra hefur skrökvað að þjóð sinni í sambandi við Davíðsmálið og lýgin er næsti bær við hernaðaraðferð Bjarna Harðar gegn Valgerði.   Það virðast vera fáir sem styðja ríkistjórnina og þeim fer fækkandi og því þarf þjóðin að fá að segja hvað hún vill í kosningum

Vegið ómaklega að ráðherrum

Guðni og Valgerður ættu að fylgja fordæmi Bjarna

Guðni formaður og Valgerður varaformaður í framsóknarfjósinu bera ekki litla ábyrgð á því ástandi sem nú er í þjóðfélaginu. Bæði í ríksstjórn þegar bankavinavæðingin fór fram og  það er ekki lítill þáttur í arðráni hinna vinnandi stétta sem nú bera þyngstar byrðar á skuldaklöfum bankana.

Auðvita eiga formennirnir að segja af sér og sýna af sér gott fordæmi eins og Bjarni.  Synd Bjarna er ekkert í líkingu við þann ósóma sem þau hafa skilið þjóðina í með stuðningi sínum við sjálfstæðisflokkinn síðustu kjörtímabilin.  Pólitískar hækjur og hórur eiga engan rétt á sér á  Alþingi.  Þess vegna eiga Guðni og Valgerður að gera þjóðinni þann greiða að seggja af sér.  Annars verða þau bara rekin í næstu kosningum.

Guðni: Bjarni axlar ábyrgð

Bjarni lék eina leikinn sem hann átti í stöðunni.

Bjarni Harðarson gerði það eina rétta í stöðunni þegar hann sagði af sér þingmennskunni.  Honum urðu á ófyrirgefanleg mistök og hann axlar abyrgðina og gerir það með sæmd.  Er ansi hræddur um að margir úr ráðherraliði Sjálfstæðisflokksins og viðskiptaráðherra ættu að taka Bjarna sér til fyrirmyndar og axla ábyrgðina af heimskupörum sínum.  Í framhaldi af því væri hægt að hreinsa til í Seðlabankanumog Fjármálaeftirlitinu. 

Hins vegar er lítil sæmd af gjörningi Bjarna.  Maður læðist ekki nafnlaus í myrkrinu og rekur hnífinn í bakið á samstarfsfólki sínu.  Alveg sama hvort maður er sammála því eða ekki.  Viiubrögðin voru óheiðarleg og það hefur Bjarni viðurkennt.  Ef pólitískur skaphiti fær menn út í gönuhlaup af þessu tagi hafa menn ekkert á þingi að gera.

Hins vegar kem ég til með að sakna Bjarna af þinginu.  Hann var skemmtilega afturhaldssamur þingmaður og hundtryggur fornum hugsjónum sínum.  Óheimskur maður þarf kjark til að tala fyrir slíkri afturhaldssemi sem Bjarni hefur stundum gert.

Nú er formaðurinn í framsóknarfjósinu einn á báti á ný.  Bjarni var helsti stuðningsmaður Guðna Ágústssonar í þingliði flokksins.  Þeir töluðu fyrir svipuðum hugmyndum. Báðir á móti ESB en munurinn var sá að Bjarni er mikið greindari en Guðni og því skemmtilegra að hlusta á forn rök hans en barnalegt bullið í fyrsta fjósamanni í framsókn.

Ég óska Bjarna alls hins besta í framtíðinni.

Bjarni segir af sér