Roy Keane var rekinn frá United

Ég man ekki betur en Roy Keane hafi verið rekinn frá Manchester United fyrir m.a. að úthúða félgögum sínum í liðinu fyrir getu og viljaleysi.  Nákvæmlega það sama átti sér stað með David Beckham. Hann var rekinn þegar hann var farinn að skyggja á Ferguson.  Sama má segja um Jaap Stam.  Ferguson þoldi ekki að Hollendingurinn nýtti sér tjáningarfrelsið og sagði álit sitt á stjóranum og því sem honum fannst betur mega fara hjá United.

Nicky og Phil voru alla tíð þægir og góðir drengir og fínir knattspyrnumenn. En þeir pössuðu ekki lengur inn í myndina hjá Ferguson.  Vantaði herslu muninn hjá þeim en báðir hafa fallið vel inn í sín nýju lið.

Alex Ferguson er og hefur alltaf verið harður jaxl sem veit nákvæmlega hvað hann vill og hvernig hann nær markmiðum sínum. Það sýnir árangur hans síðustu 25 árin hjá Aberdeen og Manchester United. Hann veit hvenær hann þarf að losna við menn úr leikmannahópnum og þegar þar að kemur sýnir hann enga miskun.  Nákvæmlega það sama er þegar hann situr fyrir svörum á blaðamannafundum.  Ef honum finnst menn ekki virða þær grensur sem hann setur talar hann ekki meir við viðkomandi.  Nú er hann búinn að loka dyrunum á sjálfa Sky.  Ég kynntist framkomu hans í garð blaðamanna á blaðamannafundi í júlí 1998.  Það var einstök upplifun og þá hrósaði ég happi yfir að ég virti vilja hans.  Eftir fundinn fékk ég, einn blaðamanna, einkaviðtöl við Roy Kean og Phil Nevil. "Taliði við Íslendinginn" sagði Ferguson þegar hann yfirgaf samkvæmið.  Það var ekkert leiðinleg upplifun það.    

Framtíð Gary Neville óljós hjá Manchester United

Flottir strákar

Verð að segja að mér finnst  framtak veggjakrotaranna frábært eftir að búið var að leiða þeim fyrir sjónir hvaða heismkupör þeir höfðu unnið.  Svona nokkuð hefur komið fyrir okkur flesta gaura á ákveðnum aldursskeiðum og þá er ekkert jákvæðara en þegar menn átta sig og hreinsa síðan upp skítinn.

Sýnist þetta vera gott dæmi um hvernig foreldrar og tjónþolar beita heilbrigðri uppeldisfræði við lausn málsins.  Nokkuð viss um að það verður bið á að þessir strákar leiðist út í veggjakrot á næstunni.

Sjálfur lennti ég í því að nokkrir krakkar krotuðu á vegg  í skólanum okkar.  Ég komst að því hvaða krakkar þarna voru á ferð. Án þess að segja eitt einasta orð við þau spjallaði við forledra þeirra sem síðan mættu niður í skóla með skjólur sápu og skrúbba og byrjuðu að hreinsa krotið af skólaveggnum.  Þá bauð ég þessum vinum mínum að líta út um gluggan og þau voru illa skömmustuleg er þau sáu mömmur og pabba standa í því að hreinsa upp eftir þau.  Og út fóru þau og tóku hreingerninguna í sínar hendur án þess að það þyrfti að fara rleri orðum um það.

Tek ofan fyrir öllum sem að þessu máli komu og sjálfsagt mínum gömlu nemendum líka.

Voru látnir hreinsa veggjakrotið

Hrokinn í Geir er að verða óþolandi

Hvernig getur forsætisráðherra lýðveldis leyft sér að halda því fram að forseti stærstu launþegasamtaka landsins eigi ekki að hafa skoðun á samsetningu ríkistjórnar.  Bara svona heimskuleg yfirlýsing er næg til þess að Geir Haarde ætti að hugsa sinn gang.   Gylfi Arnbjörnsson, forseti ASÍ, er þegn í landinu með kosningarétt eins og allri sem komnir eru á hans aldur. Afhverju ætti hann að þegja yfir skoðun sinni á ríksitjórninni. 

Auðvitað hefur forsætisráðherra ekkert með að það að gera hvernig stjórn ASÍ er sett saman. Hann hefur ekki kosningarétt á ASÍ þingunum.  Hitt er annað mál að hann má hafa skoðun á stjórn eða einstökum stjórnarmönnum samtakanna.

Björgvin Sigurðsson sat í ríkisstjórninni þegar skýrslan svarta barst frá Bretlandi síðast liðinn vetur. Fleiri viðvaranir höfðu einnig komið allt frá árinu 2001.  Þessar upplýsingar um háskasiglingu bankanna lágu því allar í ráðuneytinu þegar Björgvn settist í stólinn.  Að sjálfsögðu átti hann að vera búinn að kynna sér málin og ræða við FME.  Sú stofnun heyrir undir hann en hann ekki undir hana.  Það, að hann gerði ekkert til að kynna sér málin fyrr en alltof seint,  ber hann einn ábyrgð á.  Það þýðir því lítið fyrir Ingibjörgu að benda á að FME hafði ekki varað bankamálaráðherrann við.  Haldi hún því fram nálgast það siðblindu sem líka er næg sem brottrekstrarsök ráðherra.  

Sem stuðningsmaður Samfylkingarinnar finnst mér ömurlegt að fylgjast með þjónkunarhlutverki formannsins og fyrrverandi formans við forsætisráðherra og vörn hans í málum Seðlabankastjóranna.  Það er ógeðfellt hjá formanni flokks sem lýst hefur því yfir að hann vilji skipta um mannskap í brúnni á Seðlabankanum að standa síðan vörð um þessa sömu menn með forsætisráðherranum.  Ekki sérlega trúverðug frammistaða Ingibjargar þessa dagana.

Ég hef marglýst þeirri skoðun minni að bæði forsætisráðherra og fjármálaráðherra eiga að segja af sér sem fyrst eða í besta falli boða til kosninga í febrúar. Forsætisráðherra hefur skrökvað að þjóð sinni í sambandi við Davíðsmálið og lýgin er næsti bær við hernaðaraðferð Bjarna Harðar gegn Valgerði.   Það virðast vera fáir sem styðja ríkistjórnina og þeim fer fækkandi og því þarf þjóðin að fá að segja hvað hún vill í kosningum

Vegið ómaklega að ráðherrum

Guðni og Valgerður ættu að fylgja fordæmi Bjarna

Guðni formaður og Valgerður varaformaður í framsóknarfjósinu bera ekki litla ábyrgð á því ástandi sem nú er í þjóðfélaginu. Bæði í ríksstjórn þegar bankavinavæðingin fór fram og  það er ekki lítill þáttur í arðráni hinna vinnandi stétta sem nú bera þyngstar byrðar á skuldaklöfum bankana.

Auðvita eiga formennirnir að segja af sér og sýna af sér gott fordæmi eins og Bjarni.  Synd Bjarna er ekkert í líkingu við þann ósóma sem þau hafa skilið þjóðina í með stuðningi sínum við sjálfstæðisflokkinn síðustu kjörtímabilin.  Pólitískar hækjur og hórur eiga engan rétt á sér á  Alþingi.  Þess vegna eiga Guðni og Valgerður að gera þjóðinni þann greiða að seggja af sér.  Annars verða þau bara rekin í næstu kosningum.

Guðni: Bjarni axlar ábyrgð

Bjarni lék eina leikinn sem hann átti í stöðunni.

Bjarni Harðarson gerði það eina rétta í stöðunni þegar hann sagði af sér þingmennskunni.  Honum urðu á ófyrirgefanleg mistök og hann axlar abyrgðina og gerir það með sæmd.  Er ansi hræddur um að margir úr ráðherraliði Sjálfstæðisflokksins og viðskiptaráðherra ættu að taka Bjarna sér til fyrirmyndar og axla ábyrgðina af heimskupörum sínum.  Í framhaldi af því væri hægt að hreinsa til í Seðlabankanumog Fjármálaeftirlitinu. 

Hins vegar er lítil sæmd af gjörningi Bjarna.  Maður læðist ekki nafnlaus í myrkrinu og rekur hnífinn í bakið á samstarfsfólki sínu.  Alveg sama hvort maður er sammála því eða ekki.  Viiubrögðin voru óheiðarleg og það hefur Bjarni viðurkennt.  Ef pólitískur skaphiti fær menn út í gönuhlaup af þessu tagi hafa menn ekkert á þingi að gera.

Hins vegar kem ég til með að sakna Bjarna af þinginu.  Hann var skemmtilega afturhaldssamur þingmaður og hundtryggur fornum hugsjónum sínum.  Óheimskur maður þarf kjark til að tala fyrir slíkri afturhaldssemi sem Bjarni hefur stundum gert.

Nú er formaðurinn í framsóknarfjósinu einn á báti á ný.  Bjarni var helsti stuðningsmaður Guðna Ágústssonar í þingliði flokksins.  Þeir töluðu fyrir svipuðum hugmyndum. Báðir á móti ESB en munurinn var sá að Bjarni er mikið greindari en Guðni og því skemmtilegra að hlusta á forn rök hans en barnalegt bullið í fyrsta fjósamanni í framsókn.

Ég óska Bjarna alls hins besta í framtíðinni.

Bjarni segir af sér

Svín

Ef þetta frábæra Bítlalag passar ekki við vígaferlin í framsóknarflokknum í kvöld þá er ég bara hreinlega mát.  Reyndar á þetta líka við um hjaðningarvígin hjá Frjálslyndum og innan Sjálfstæðisflokksins.

Reyndar var lag og texti samið um breska stjórnmálamenn á 7. áratugnum en það á ekki síður við hér og nú.

Reiður sjómaður

Sjómönnum hitnar af og til í hamsi. Og þá láta menn stundum hnefana tala. En sáa sjaldan heyrir maður af því að sjómenn ógni herjir öðrum með hnifum.  Enda er það frekar villimannsleg aðferð tilað útkljá deilumál.  Vonandi að ungi maðurinn í Sandgerði jafni sig þegar af honum rennur reiðin.

Nú veit ég ekkert hnífamaðruinn var sjómaður eða ekki.  Hitt veit ég að svona gerir maður bara ekki.  Það er snökktum skárra að fylgja dæmi Árna Johnsen frá því hér um árið þegar hann barði mann fyrir utan Sjómannaskólann og kallaði það að heilsa að sjómanna sið. Árni hefur sparkaði líka  í rassgatið á Össuri í þinginu.  En hnífinn hefur þingmaðurinn aldrei notað sem vopn í slagsmálum.  Ekki mér vitanlega.  En mér skilst að það heyrist ennþá langar leiðir þegar hann hristir hausinn.

 

 

 

Ógnaði skipverjum með hnífi

Makríllinn og svektir Skotar

 

250 tonn af makríl.  Og það var unun að veiða þessi kvikindi sumarið 1974 

Enn eninu sinni fara Skotar að skæla yfir fiskveiðum Íslendinga. Þeim hefur alltaf sviðið að okkar sjómönnum hefur gengið betur að veiða flestar fiskitegundir en þeim sjálfum.

Íslendingar eru ekkert að veiða makríl í skoskri lögsögu og ég veti ekki til þess að við höfum gert neina samninga við Skota um hvað við meigum veiða íókkar eigin landhelgi.  Því kemur það  úr hörðustu átt þegar sagt er að Íslendingar fari með frekju og yfrgangi um makrílstofninn.  Makrílstofninn færir sig nær Íslandi vegna þess að hitatig sjávar hefur hækkað á norðurslóðum og á því græðum við nú um stundir.

Égman ekki til þess að Íslendingar hafi nokkurntíma farið með frrekju og yfirgangi um breska lögsögu.  Við héldum lífinu í hundruðum þúsuna Breta í gegnum öll stríðsárin þegar sjómenn okkar lögðu líf sitt að veði til að færa þeim fisk að éta.  Þakklæti þjóðanna á Stóra-Bretlandi hefur hins vegar verið rányrkja á Íslandsmiðum, ofbeldi gegn íslenskum sjómönnum, herskipaárásir á varðskipin okkar í hvert sinn sem við höfum fært út landhelgi okkar. Breski sjóherinn hefur m.a. myrt íslenskan sjómann að störfum um borð í varðskipi.  Við gengum aldrei lengra en að klippa trollið aftan úr togurunum og senda þá halastífða heim.

Við veiðum makrílinn í bræðslu. Það er alveg rétt. Enda er þetta feitur og fallegur fiskur og gefur úrvals mjölog gott lýsi.  Svo er hann náttúrulega asskoti góður í makrílbollur.  Gallinn við hann til átu er að hann er svo ljótur á litinn. Nema þegar hann r niðursoðinn í tómat eða reyktur.

Að halda því fram að við séum misþyrma vistkerfinu með makrílveiðum, eins og ég hef séð á blogginu, er samat nokkuð langt gengið. Ef einhverjir misþyrma vistkerfinu með makrílveiðum eru það Skotar sjálfir sem veiða meira en 50% af þeim makríl sem veiddur hafsvæðinu þar sem makrílinn er að finna.

 

Saka Íslendinga um ofveiði

Yngdist um 40 ár

Kastljós er einn besti þátturinn sem boðið er upp á í íslensku sjónvarpi. Ekki síst vegna hinnarfjölbreyttu tónlistar sem maður fær að heyra í lok þáttanna.   Í kvöld var það Mammút sem boðið var upp á.  Þetta var í annað sinn sem ég heyri í þessari þrælgóðu hljómsveit og ég verð að segja aðmér fannst ég yngjast um ca 40 ár.  Magnaðir krakkar þarna á ferð. 

Sterling var for islandsk

Norska lággjalda flugfélagið, Norvegian, hafði um tíma áhuga á að yfirtaka Sterling. Allt þangað til þeir fóru að skoða bókhaldið og bókunarkerfið. Þá komust Norðmennirnir að því að Sterling var með alltof flókið bókunarkerfi, það var rekið alltof miklu tapi og þar fyrir utan var það alltof íslenskt.