Björgvin er höfðingi. Mikill höfðingi!!

Það er ekki að spyrja að rausn Björgvins G. Sigurðssonar viðskiptaráðherra. Nú segir hann að ríkistjórnin hafi lagt mikla áherslu á að tryggja fjölskylduranr í landinu.  Þar með endurtekur hann boðskapinn frá því í byrjun hrunsins en bæði hann og Geir sögðust ætla að tryggja fjölskyldurnar.

Þar sem þjóðin er ekki vön að lygar hrjóti af vörum þessarra manna getum við nú treyst því, örugglega, að fjölskyldurnar í landinu komi til með að hafa það fínt í framtíðinni.  Það verða örugglega gleðileg jól á hverju byggðu bóli og allir sem eiga aðild að fjölskyldu halda fullri vinnu þó hinir fjölskyldulausu verði að sjá að baki einhverjum vinnustundum.  Þeim er heldur engin vorkun.  Þeir hafa ekki um neina að hugsa nema sjálfa sig.

Og Björgvin er ekki bara að bulla orðin tóm. Nei og nei. Hann kemur með praktískar lausnir líka. Ekki oft sem stjórnmálamenn gera það.  En Bjöggi ætlar að fella niður stimpilgjöldin þegar þjóflutningarnir miklu hefjast með íbúðalánin úr ríkisbönkunum yfir í íbúðalánasjóð ríkisins.  Slík tilboð bjóða bara höfðingjar.  Og ekki bara það. Hann býður þeim sem vilja flytja láninin úr ríkisbönkunum yfir í ríksiíbúðalánasjóinn lánalengingu.

Er Björgvin hafði þetta mælt néri hann höndunum og um andlit hans breiddist ánægjubros.  Hann er örugglega búinn að gera sitt til að tryggja fjölskydur landsins og er ánægður verk sitt. Hann veit að í dag safnaði hann auði á himnum.

Fjölskyldur landsins settar í forgang

Athugasemdir

[Heidi Strand, 7.11.2008 kl. 19:10]

[ViceRoy, 8.11.2008 kl. 00:57]

Og þeir sem standa einir að heimilum?  Ekki standa þeir vel í dag...

Það á ekki að standa eingöngu við fjölskyldur, heldur við öll heimili... Fólk sem býr eitt býr við lélegri aðstæður en par eða stundum fjölskyldur.