Ferguson og Wenger grautfúlir eftir leiki kvöldsins.

Það koma öruggleg einhverjar utanaðkomandi afsakanir frá stórvinunum, Ferguson og Wenger, þegar þeir útskýra af hverju lið þeirra ekki unnu í kvöld.  Ég sá leik Manchester og Celtic og eitt er víst að Ferguson getur varla kennt dómaranum um jafnteflið.   Ótrúlegt að línudómarinn lokaði báðum augum er kerlingin frá Portugal sparkaði niður andstæðing sinn eftir að boltinn var kominn útaf.  Auðvitað átti Ronaldo að fá rautt spjald þar.

En jafnteflið hjá Arsenal var reyndar ennþá pínlegra en hjá Manchester U. Nalarinir voru á heimavelli og áttu auðvitað að  vinna. Nóg fengu þeir af færunum.  En ég bíð spenntur eftir að Arsene Wenger komi með ásakanir á dómara, tyrknesku leikmennina eða eitthvað annað.  Varla kennir hann sjálfum sér um eða leikmönnum sínum.

Man. Utd og Arsenal bæði með jafntefli

Athugasemdir

[Birkir (IP-tala skráð) 5.11.2008 kl. 22:57]

hmmm.... ætli þú sért nokkuð poolari?

þó að Ronaldo hafi verið pirraður þegar hann var tæklaður í 20 skiptið í leiknum, og sparkað á móti Celtic leikmanninum.

Celtic komust upp með það að vera síbrjótandi allan leikinn, en fengu samt aðeins eitt spjald allan leikinn.

En United voru samt drullulélegir allann fyrri hálfleik, og  Celtic vörðust vel.

[Dunni, 5.11.2008 kl. 23:03]

Er mikill Poolari og líka aðdándi Ronaldo og Solskjær.

[Ragnar Karlsson (IP-tala skráð) 5.11.2008 kl. 23:18]

Poolari!! Afhverju þurfið þið alltaf að vera að væla og gefa ykkur að Ferguson eða Wenger kvarti yfir dómurunum. Ég held að það sem þú ættir að gera er að líta til baka og skoða dífuna og leikaraskapinn hjá Gerrard sem fiskaði víti og var svo að reyna að sannfæra heiminn um að þetta hefði verið vítaspyrna!!??

Ég tel hinsvegar að jafntefli hafi verið sanngjörn úrslit því ef það er ekki hægt að koma tuðrunni inn í markið þá áttum við ekki að vinna en hinsvegar lá markið alltaf í loftinu. Þetta Celtic lið er bara svo ofboðslega sterkt á heimavelli og ég held að jafntefli séu bara fín úrslit! Ég hef ekki trú á því að það verði afsakanir hjá Ferguson einsog þú heldur fram og ég held liðið sem var heppið í þessari umferð var Liverpool því þeir áttu ekki skilið að vinna og þú hlýtur að samþykkja það! 

[Birkir (IP-tala skráð) 5.11.2008 kl. 23:43]

Liverpool gerði líka jafntefli

En það er reyndar fátt leiðinlegra heldur en poolarar í byrjun leiktíðar, alltaf halda þessi grey að þeir  séu að fara að verða englandsmeistarar. Á hverju einasta helv. tímabili. Ótrúlegt!

[Örn (IP-tala skráð) 6.11.2008 kl. 04:16]

Hefuru ekkert betra að gera en að blogga um annara manna lið? Eða kannski hefuru bara ekkert betra að gera en að blogga, líklegast rekinn í kreppunni.

[Dunni, 6.11.2008 kl. 08:34]

Ragnar. Ég er löngu búinn að skrifa um heimsku Gerrard á Anfield á þriðjudaginn  og leik liðsins þá.

Örn.  Hefur þú ekkert annað að gera en að bulla. Svo kanntu ekki einu sinni að skrifa hefurðu.  Þú ert í alvarlegri kreppu en ég er í mjög góðri vinnu.

Birkir.  Það er nú þannig og hefur verið síðustu 4 árin að Liverpool hefur alltaf komið alveg herfilega út úr nóvembermánuði.  Það má kannski segja að liðið hafi alltaf klúðrað voninni um meistaratitilinn í þeim ágæta mánuði.  Nú er bara að vona og sjá hvað setur.  En byrjunin er ekki góð.  Vægt sagt. 

[Hjörtur Herbertsson, 6.11.2008 kl. 15:01]

Ég hef nú ekki trú á því að stjórarnir eigi eftir að koma með einhverjar afsakanir,eru ekki bæði liðin nánast komin áfram.Svo held ég að Ferguson hafi vitað fyrir fram að hann var að fara í erfiðan leik,en leik sem að Utd átti að vinna miðað við tölfræðina úr leiknum.En það getur verið erfitt að koma tuðruni í gegnum múr,því varnarveggur Celtic manna var eins og múr,en samt gott eitt stig.