Viljum við semja við þessa andskota

Það er fallega boðið af af Jónasi að lána okkur drjúga vasapeninga, 4 milljarða NOK og bjóða að Norðmenn taki að sér að miðla málum í deilunni við Breta.  Norðmenn eru vanir menn á þeim vettvangi.  Þeir leystu jú þorskastríði til lykta fyrir okkur. Svo hafa þeir leitt friðarsamninga milli Ísralels og Palestínumanna auk skæruliða Tamíla og ríkistjórnar á Sri Lanka.  Reyndar hafa norsku samningarnir ekki leitt til frirðar þar en þorskast´riðssamningarnir hafa haldið að mestu.

Norðmenn eru sennilega eina utanaðkomandi þjóðin sem hefur möguleika á að leiða sáttarviðræður við Breta ef við kærum okkur um.   En við getum ekki sæst við þessa andskota fyrr en þeir eru búnir að gera upp í Kaupþingsklúðrinu.  Sú aðgerð og kjafturinn á Darling og Brown hefur raunverulega kostað okkur sjálfstæðið.  Og það á að vera dýru verði keypt.

Norðmenn lána Íslendingum

Athugasemdir

[Björn Birgisson, 3.11.2008 kl. 18:08]

Sæll Dunni! "En við getum ekki sæst við þessa andskota fyrr en þeir eru búnir að gera upp í Kaupþingsklúðrinu.  Sú aðgerð og kjafturinn á Darling og Brown hefur raunverulega kostað okkur sjálfstæðið.  Og það á að vera dýru verði keypt" segir þú.

Alltaf sami kjafturinn á þér elskan mín!

Ég held að andvaraleysi stjórnvalda (í víðustu merkingu þess orðs) hér heima hafi verið þyngsta lóðið á vogarskálina - þegar hún féll á hliðina. Darling og Brown enda svo í Tower of London þegar réttarhöldum lýkur - eftir svona 20 ár!

[Dunni, 3.11.2008 kl. 18:39]

Auðvitað er okkar vandi fyrst og fremst heimatilbúinn í stjórnarráðinu og seðlabankanum með smá hjálp frá okkur sem stundum eyðum fyrirfram því sem við ætlum að afla.  En það var óþarfi af Knoll og Tott að slátra Kaupþingi.  Það var eina haldreipið sem við höfðum.  Þegar skuldir þess féllu líka á ríkið hvarf sjálfstæðið til IMF og annarra lánadrottna.

Þess vegna eiga Bretar að bæta fyrir þann skaða.  Þeir gátu að sjálfsögðu hirt Landsbankann og hefði eiginlega átt að hirða Seðlabankann og Davíð í leiðinni.  Það hefði sparað okkur mikið.

Annars hafur Brown framið pólitískt sálfsmorð, eins og Davíð og því ættu þeir náttúrulega að hanga saman á safni mislukkaðra valdsmanna.