10% niðurskurður hjá öllum nema Davíð og félögum

Nú er það ljóst að margir lífeyrissjóðir eiga ekki lengur fyrir skuldbindingum sínum og þurfa að skera lífeyrisréttindi sjóðsmanna niður um 10%. Það er ekki lítil kjaraskerðing í ljósi þess að lýfeyrisréttindin eru aðeins brot af þeim launum sem menn hafa. 

Þennan niðurskurð verða þeir að láta yfir sig ganga sem ekkert hafa með efnahagshrunið að gera. Heldur þvert á móti unnu hörðum höndum til þess að draumur útrásarliðsisn gæti orðið að veruleika.

Á sama tíma og almennir lífeyrisþegar þurfa að taka á sig 10% niðurskurð sitja þeir sem bera ábyrgðina á íslenska hruninu sem fastast í sætum sínum og neita að semja um nokkurn niðurskurð á sínum eftirlaunum.

Má vel vera að Davíð Oddson, með sín eftirlaunaréttindi frá borgarstjórn, ráðherraeftirlaun og að sjálfsögðu frá Seðlabankanum treysti sér ekki til að taka á sig niðurskurð.  Það sýnir betur en nokkuð annað hvar hann setur sjálfan sig meðal þjóðarinnar sem hann á að þjóna. Einhvern veginn á ég erfitt með að sjá að hann nái að endurvekja þá virðingu sem hann hafði, og átti á tímabili skilið, með framkomu sinni síðustu mánuðina.  Þjóðin er alla vega ekki númer eitt hjá honum.   

Skerða lífeyri um allt að 10%

Frábær afmælisgjöf

Betri afmælisgjöf gat ég ekki fengið.  Skiptir engu þó hún hafi komið tveimur dögum of seint.

Nú er komin smá spenna í Íslandsmótið aftur og fyrir því standa liðin sem standa næst mínu hjarta.

Áfram Grindavík.

Sigurgöngu KR lauk í Grindavík

Er Sigurður Kári siðblindur sauður

Sigurður Kári Kristjánsson var eins og köttur sem reynir að klóra yfir skítinn sinn í Þinginu í dag.  Þannig virðist það vera með flesta Sjálfstæðismenn sem tjá sig þessa dagana. Þeir hafa ekki vott af sjálfsgagnrýni í huga sínum og dettur ekki í hug að hafa gert enin mistök á 18 ára stjórnarferli sínum.

Hverjir hafa farið með forsætisráðuneytið sl.18 ár, að Halldórs mánuðunum undanskildum? Hverjir hafa farið með fjármálaráðuneytið á sama tíma?  Eru það ekki þessi ráðuneyti sem leggja línuna í efnahagsmálum? 

Auðvitað er ekki hægt að klína ástandi efnahagsmála á flokkin sem fór með þessi ráðuneyti.  Ætli "ástand efnahagsmála" sé ekki alfarið Frjálslynda flokknum að kenna?

Sigurður Kári gerði sig að fífli á Alþingi í dag. Hann getur varla verið framtíðamaður fyrir Sjálfstæðisflokk sem virkilega þarf á sjálfskoðun að halda í uppbyggingu sinni. Sauður eins og Sigurður er ekki hæfur í það verk.

Þýðir ekki að klína sök á Sjálfstæðisflokkinn

Hvað er eiginlega að Geir

Það var merkilegt að hlusta á Geir H Haarde þegar hann talaði í fyrsta skipti á Alþingi eftir heimkomuna frá Hollandi. Hann byrjaði á gamasaman hátt að senda ráðherrum VG smá skeyti og það var gaman að heyra Geir hressan og kátan. En eftir gamansemina var hin stutta ræða hans þvættingur til enda.

Geir hafði áhyggjur af bankaráðum nýju ríkisbankanna og sagði þau sitja með fangið fullt af verkefnum. Auðvitað veit hver heilvita maður að bankaráðin sitja með fangið fullt og reyna að hreinsa til eftir óstjórn Geirs og félaga síðustu 18 árin.  Það er full ástæða fyrir ríkisstjórrnina að fylgjast náið með störfum þeirra. Ekki síst þegar bankaráðsformennirnir eru byrjaðir á að skipa sjálfa sig bankastjóra. Ætlar nú Ásmundur að þiggja laun bæði sem bankastjóri og bankaráðsformaður?

En þegar Geir hóf að mæra störf FME, Lánasjóðsins og svo ekki sé minnst á bankastjórn Seðlabankans gerði fyrrum forsætisráðherra lítið úr sjálfum sér.  Hvert einasta mannsbarn, um heim allan, sem fylgst hefur með fjármálakreppunni veit að hvorki bankastjórn Seðlabankans eða FME hafa unnið góð störf í þágu þjóðarinnar.  Þá væri þjóðin ekki stödd eins og raun ber vitni.  Við fengum staðfestingu á áliti heimsbyggðarinnar frá Blooberg í dag þegar vitnað var í danska Seðlabankastjórann.

Allir íslenskir námsmenn erlendis vita að Lánasjórðurinn vann hreint hörmulega að málefnu fjárvana stúdenta.  Gunnar Birgisson hafði ekki hugmynd um hvað hann átti að gera vegna þess að hann setti sig aldrei inn í aðstæður stúdentanna.  Það ber Gunnari og Lánastjóðnum ekki gott vitni þegar stúdentar í Noregi og Danmörku höfðu um 5000 krónur til að lifa á mánuði.  Myndi Gunnar Birgisson treysta sér til að draga fram lífið á íslenskum fimmþúsundkalli í Danmörku? 

Geir Haarde á að skammast sín ef hann heldur því fram að þessir aðilar hafi unnið þjóðinni vel.   

Geir óttast um bankaráðin

Kraftaverk 21. aldarinnar

Þetta afrek Chesley Sullenberger og áhafnar hans sýnir að tími kraftaverkanna er ekki liðinn.  Hreint ótrúlegt æðruleysi sem flugstjórinn sýnir og það er ljóst að hann hefur haft gott vald á áhöfn sinni.  Að engin skildi svo mikið sem meiða sig í lendingunni hlýtur að teljast til stærri kraftaveraka þó að sé ekki jafn tilkomumikið og afrek Móse við Rauðahafið.

Sullenberger: Ætlaði ekki að trúa þessu

Seðlabankastjórar í hægagangi

Það er dálítið merkilegt þegar forsætisráðherra skrifar undirmönnum sínum bréf og biður þá að svara innan ákveðins tíma að þeir skuli ekki virða það.  Það er enn ein handvömmin hjá Davíð Oddsyni og félögum hans í bankanum sem safna með þessum aumingjaskap enn fleiri glæðum að höfði sér.

 Reyndar hefði verið fullkomlega eðlilegt hjá forsætisráðherra að skrifa þeim uppsagnarbréf strax í gærkvöldi og reka þá fyrir óhlíðni.  Hegðun þeirra er nefnilega eins og óþekktarorma á leikskóla.  Munurinn á Seðlabankastjórnunum og leikskólabörnunum er að venjulegast taka þau tali þegar vel er talað til þeirra en það gera þeir ekki.  Enn ein vísbendingin um að þeir eru óhæfir í embættum sínum.

Ég er ansi smeykur um að sjómaður á síldarbát yrði rekinn á stundinni ef hann segði skipstjóranum að hann kæmi á dekkið á morgun þegar karlinn kallaði klárir.  Sé ekki að það eigi að gilda aðrar reglur fyrir Seðlabanakstjóra en þá sem skaffa þeim peningana sem þeir hafa ráðskast með.  Alla vega ekki þegar árangurinn er eins og hann er á Íslandi í dag. 

Seðlabankastjórar svara Jóhönnu líklega í dag

Gott mál

Ennþá örlar á réttlæti á Íslandi.  Lokisns er alýðutónlistinni gert jafn hátt undir höfði sígildri tónlist þegar kemur að útvarpsspilun.  Nokkuð sem poparar hafa barist fyrir í ára tugi. Þetta getur skipt verulagu máli fyrir popptónlistarmenn sem fá mikla spilun í útvarpinu. Svo miklu að það getur verið spurning um hvort góðir geti tónlistarmenn lifað aflist sinni og haldið þannig áfram með að semja og þróa góða popptónlist eða sú tegund tónlistar hjakkar í sama farinu eða hreinlega lognast að miklu leyti útaf.

Til hamingju popparar.  

Popparar fá sínu framgengt

Arfaslakt Liverpool

Liverpool náði sér engan veginn á strik í kvöld. Leikurinn við Everton var, eins og oftast, hundleiðinlegt hnoð sem einkendist af taugaveiklun í báðum liðum. Enginn þorði að taka áhættu.  Liverpool hefði átt að notfæra sér að Everton fóru að reyna að spila Liverpool bolta með mörgum stuttum sendingum í stað hefðbundinna Everton kílinga.

Munurinn á liðunum í kvöld var samt sá að Liverpool hafði betri leikmenn en Everton var betra lið. Aulaskapur í Leiva að láta reka sig út af og hrikaleg mistökin há Arbeloa þegar Gosling skoraði sitt gullfallega mark.  Virðist vera góðru guttinn sá.

Það var þó jákvætt hjá Liverpool að aldrei þessu vant virkaði Babel frískur þegar hann kom inn. Fór meira að segja í eina tæklingu. Það var smá barátta í karlinum og vonandi að hann haldi áfram að á sömu braut.  Hann er nefnilega sagður hæfileikaríkur. En það eitt dugar ekki í enska boltanum þó menn fari langt á því í Hollandi.

Gosling sló Liverpool útúr bikarnum

Þyngra en tárum taki

Það er sárt að lesa, sitjandi í góðum málum í Noregi, um neyðina sem bara virðist vaxa á Íslandi.  Að það skuli koma á annað hundrað manns á dag til Samhjálpar og biðja um mat er nokkur sem man gat aldrrei órað fyrir. Og þar fyrir utan fjölgar mjög þeim sem leita á náðir Hjálpræðishersins.

Nú, þegar mikið er rætt um að frysta eignir auðmannanna sem bera stóra ábyrgð að neyð þessa fólks, ættu þeir að sjá sóma sinn í því að styrkja bæði Samhjálp, Herinn, Kvennaathvarfið og SÁÁ.  Með því gætu þeir örugglega mildað viðhorf þjóðarinnar til sín og sýnt í verki að þeir hund skammast sín fyrir fyrri störf. Mikið kemur til með að hvíla á þessum stofnunum öllum á næstu mánuðum og kannski árum og því er mikilvægt að þeim verði tryggt nægt fé til að hjálpa þeim sem eru í mestri nauð.

Það er örugglega ekki létt fyrir fólk, sem lagt hefur alla sína krafta og stolt í að búa sér og fjölskyldum sínum öruggt heimili, að þurfa nú að ganga á vvit hjálparstofnanna og biðja um hjáp til að brauðfæða börnin sín.  Lang stærsti hluti þessa fólks eru venjulegir launþegar sem ekki tóku þátt í kapphlaupinu um skjótfenginn gróða eða barst á með íburðarmiklum einbýlishúsum og ók um á lúxusbílum.  Þetta fólk á engan þátt í hruninu en þarf að blæða mest fyrir það. Það er meira órétlæti en við höfum orðið vör viðí Evrópu síðan Hitler ofsótti Gyðinga og Stalín meðbræður sína í Sovét.

Ég skil vel að margir leiti eftir öryggi utan Íslands um þessar mundir. Það líður ekki sá dagur að Norðmenn vindi sér ekki að manni og spyrji, sumir með glott á vör, hvort Íslendingarnir séu að koma til baka til Noregs núna þegar óbúandi sé orðið á eyjunni.  En málið er að ekkert er verra fyrir íslenska þjóð en að missa fjölda menntaðs hæfs fólk úr landi þegar þörf er á hverri höndi á árarnar við lífróður samfélagsins. 

Mér fannst vanta á verkefnaskrá nýju ríkistjórnarinnar hvernig hún hygðist koma í veg fólksflóttan.  Eftir því sem ég hef heyrt eru um 5000 Íslendingar að pakka niður um  þessar mundir með stefnuna á Noreg.  Hér er kreppa líka en ekki í neinum samanburði við hörmungarnar á Íslandi.  Hér vantar fólk til margra starfa en hér er líka atvinnuleysi, einkum í byggingariðnaðinum.  Hér líður engin skort og stýrivextir á leiðinni niður í 1%. Fólk hefur því góða möguleika í konungsríkinu hafi það atvinnu.

Þegar maður lítur yfir ástandið á Íslandi og orsakir þess þá geta menn varla sagt að það séu pólitískar ofsóknir að skipta út mönnunum sem mesta ábyrgð bera á því að nú þurfi þúsundir manna að biðja Samhjálp og Hjálpræðisherinn um mat handa börnunum sínum.     

Barnafólk leitar til Samhjálpar

Hörku kerlingar þetta

Verð að viðurkenna að mér finnst þær Guðrún María og Ásgerður Jóna sýna mikla dirfsku ef .ær kíla á að bjóða sig fram til foustu í flokknum sínum.

Auðvitað á maður ekki að vera að skipta sér af framboðum í annara manna flokkum. En þegar tvær konur koma fram á völlinn til að bjóða krafta sína, á  hefðbundum heimavelli karla, finnst mér það svo jálvætt að ég varð bara að láta í ljós aðdáun mína.

Það gerist nefnilega ekki oft að konur séu flokksformenn á Ísland.  En það þykir huggulegt að skreyta flokksforystu með konu sem varaformann.

Áfram stelpur.

Vilja í forystu Frjálslynda flokksins