Dóri vinnur Grettistök

Halldór Einarsson, Henson, er mætur maður. Góður, jákvæður og einstaklega uppfinningasamur og frjór.  Eiginlega held ég að ég hafi alltaf verið stuðningsmaður hans í einu og öllu nema dýrkun hans á Val.  Valur var og er náttúrulega hans félag og því uni ég Dóra vini mínum vel að ganga erinda ránfuglsins.

En þegar hann ætlar að reysa Alberti Guðmundssyni varða vona ég að það verði aðeins fyrir hæfni hans á fótboltavellinum.  Þá  get ég haldið áfram að styðja hann.  

Sennilega hefur stjórnmálamaðurinn og "vinur litla mannsins" eitthvað þvælst fyrir áhuga  Eggerts M.  "Vinur litla mannsins" þvælist líka fyrir mér er nafn Alberts er nefnt.  Hann reyndist nágranna sínum á Laufásveginum alla vega ekki vel er hún virkilega þurfti á "vini sínum" að halda.

En mikið rétt. Albert var fyrsti atvinnumaður Norðurlandanna í fótbolta. Og vinur hans og maður ekkjunnar á Laufásveginum gaf mér bókina um Albert þegar ég var 8 ára gamall. Ég spjallaði stundum við Albert er hann gekk um Laufásveginn og það var alltaf gaman. En eftir að vinur hans dó gleymdi hann öllum sem bjuggu austan við númer 68 á Laufásveginum.  Því miður.

Stytta af Alberti rís á næsta ári

Guðs útvalda þjóð drepur óvini sína en elskar þá ekki

Svona gerum við er við drepum.....

Ísraelsmenn sýna ótrúlega hetjudáð með því að að ráðast með með skriðdrekum og vel búnum fótgönguliðum gegn Palestínumönnum sem eiga ekkert annað en riffla og "kínverja" til að hrekkja kúgara sína sem rekja ættir til sínar til sjáfs himnaföðurins.

Eigum við ekki að taka undir fyrstu orðin í vísuorðunum í millikaflanum í Ævíntýrislaginu Illska.

"Drepum drepum segja þeir"

Landher Ísraels inn á Gaza

Vegbætur á Fagradal

Það er fyrir löngu tímabært að gera Fagradalinn að almennilegum og öruggum vegi.  Ekkert vantar á umferðina yfir Dalinn en Vegagerðin hefur sofið áratugum saman  án þess að átta sig á því að Fagridalurinn er fjölfarin þóðbraut.

Vegna sofandaháttar ríkisvalds og Vegagerðarinnar hefur þessi asnaslóði kostað alltof mörg mannslíf. Nú er tími til kominn, í kreppunni, að ríkið skaffi nokkur störf með endurbætum á slóðanum milli Egilsstaða og Reyðarfjarðar.

Útafakstur á Fagradal

Siðblind górillustjórn eða hvað

Mér finnst með ólíkindum og gott, að sjá hve samheldni mótmælenda sem mæta á Austurvöll er mikil.  Á Íslandi er lítil hefð fyrir mótmælaaðgerðum ef bera á þjóðina saman við nágrannaþjóðir sínar á Norðurlöndum og V-Evrópu. 

Reiði almennings á Íslandi er skiljanleg. En það er óskiljanlegt hve margir gera ekki þá kröfu til þeirra sem gegna ábyrgðarstöðum í stjórnkefinu að þeir hundskist burt úr embættum sínum þegar þeir hafa verið staðnir að óreiðu, vanrækslu og lygum. Og þarna á ég ekki bara við nokkra ráðherra sem sjaldnast ratar satt orð á munn.

Ég held að ég hitti aldrei svo mann í Noregi að þeir hneykslist ekki á að enn hefur engin veið látin sæta ábyrgð á hruni íslenska efnahagskerfisins.  Í dag fór ég með bílinn minn á þvottastöð sem Pakistani rekur í bænum Klöfta.  Meðan strákarnir þvoðu bílinn spurði hann mig um það sem er að gerast á Íslandi.  Ég reyndi að rekja fyrir honum, sem best ég gat, söguna frá síðustu dögum september og þar til nú.

Pakistaninn sagðist sjálfur koma frá landi þar sem spilling væri mikil.  En hann sagði líka að ef ámóta atburðir gerðust í Pakistan og gerst hefðu ás Íslandi væri nokkuð ljóst að milljónir hefðu mótmælt. "Sennilega hefði lýðurinn drepið þá sem þeir TELDU bera ábyrgðina ef þeir hefðu ekki farið sjálfviljugir frá völdum.

Fari svo að Geir Haarde og Ingibjörg Sólrún haldi línunni sinni og greini ekki almenningi frá staðreyndum endar íslenska samfélagið eins og það er í Pakistan.  Reiði fólks verður ekki haminn endalaust.  Þann dag sem samfélagið springur vill örugglega enginn Íslendingur upplifa. Þá gætu einhverjir týnt lífi og stjórnleysið tekið völdin. Rósturnar við Hótel Borg voru eins og KFUM & K samkoma í samanburði við það sem kemur verði ekki hlustað á þjóðina 

Íslenska ríkistjórnin verður því að fara að opna augun og sýna þjóðinni að hún stýrir landinu  en ekki einhverjir embættismenn og svokallaðir ráðgjafar svo ég tali ekki um kúgaranna í IMF. Ingibjörg Sólrún og Geir Haarde verða að hætta að stjórna landinu eins og górilluapar sem fæðast siðblindir, lifa siðblindir og drepast siðblindir. 

Maðurinn hefur þó tækifæri til að tileinka sér siðferði. Eða er það ekki svo Ingibjörg & Geir?   

 

Mótmælt á Austurvelli

"Sparílöndin" bera ábyrgð

Auðvitað þarf Bakkavör í Bretlandi að hagræða  í rekstrinum eins og flest fyrirtæki um víða veröld.  Það er auðvitað sárt fyrir þá Breta sem missa vinnuna hjá hinu íslenska fyrirtæki.  En samúð mín er þó lítil eftir að þúsundir Íslendinga misstu vinnuna í kjölfar hryðjuverkarlögjafar bresku ríksistjórnarinnar og eignaupptöku og lokun íslenskra fyrirtækja þar í landi í október

                                                                                                                                                        Hins vegar var gaman að lesa norska viðskiptablaðið, Dagens Næringsliv í morgun.  Þar setti nefnilega Victor B. Norman, prófessor við Verslunarháskólann í Bergen og fyrrum ráðherra í Noregi fram nýjar og skemmtilegar kenningar um tilkomu kreppunnar.  Hann telur að "sparílöndin" sem hann kallar svo, t.d. Noregur og Þýskaland eigi sinn þátt í kreppunni vegna óstjórnlegrar aðhaldssemi.

Norman heldur því fram að með því að safna auðæfum olíusjósðins að mestu leyti á banka og söfnunarsjóði erlendis Hefði verið nær fyrir þessi lönd að fjárfesta í framleiðslu og gera sitt til að halda veltunni gangandi.

Norman vill að Noregur verði í fararbroddi "sparílandanna" með hvatningu um meiri fjárfestingar í atvinnulífi bæði innan lands og utan. 

Læt hér fylgja með link inn á netútgáfuna af viðtalinu þó hún sé miklu styttri en sú í pappírsútgáfunni.

http://www.dn.no/forsiden/borsMarked/article1575144.ece?jgo=c1_re_left_1   

400 störf í hættu hjá Bakkavör í Bretlandi