Reina glaður og á það skilið

Það er vel skiljanlegt að Pepe Reina og félagar hans í Liverpool séu glaðir.  Sigurinn gegn Chelsea á sunnudaginn var ótrúlega mikilvægur fyrir liðið. Eftir eintóm jafntefli í janúar er það að sjálfsögðu frábært að byrja febrúar með sigri yfir einum erfiðasta andstæðingnum. 

Og draumurinn lifir. En maður skildi hafa það í huga að Manchester United er 2 stigum á undan núna og þau geta fljótt breyst í 5 stiga forystu.  Þess vegna skil ég ekki Benza karlinn þegar hann segir að liðið sé í mjög góðri stöðu ennþá eftir að hafa tapað niður nokkuð góðri forystu.

Liverpool á enn möguleika. En nú er liðið komið í þá stöðu að það þarf að treysta á að önnur lið vinni United.  Það finnst mér ekkert sérstaklega góð staða þó við höfum 8 fleiri stig nú en á sama tíma í fyrra.  Það er tímabilið 2008 - 2009 sem við þurfum að hugsa um.  Við eigum að gleyma 2007 - 2008. Við lifum ekki á því.

Pepe Reina: Mörk Torres héldu draumnum lifandi