Ferðamálastofa í eyðimerkurgöngu

Má vera að Ferðamálastofa sé svo illa haldin að hún hafi ekki efni á að sinna starfi sínu. Síðast liðin tíu ár hef ég verið fastagestur á einni stærsrtu ferðamálakaupstefnu á Norðurlöndum. Aldrei hefur ferðamálastofa verið þar með neina kynningu eða til stuðnings þeim sem eru að selja Ísland.

Noregur, Svíþjóð og Danmörk, í gegnum ferðamálastofur landanna, eru hins vegar mjög sterkir í markaðssetningu þar sem hvert land myndar eina heild á kaupstefnunum.  Íslensku ferðaþjónustufyrirtækin eru svo hvert að gaufa í sínu horni sem gerir að verkum að Ísland fær ekki nærri því jafn mikla athygli frændur vorir.

Kaupstefnan í Lilleström í Noregi í ár er sroglegur minnisvarði fyrir íslenska ferðaþjónustu.  Aðeins ein lítil norsk ferðaskrifstofa var með kynningu á Íslandi.  Íshestar voru þar reyndar líka og fengu inni á básnum hjá Landsýn.  Þar var líka Hörður á Kaffi Reykjavík og gaf gestum að smakka íslenskan mat.

Icelandair mætti á svæðið tilað styðja þá sem selja þá og gerðu það með stæl eins og ávalt á þessum ferðakynningum.  Það má segja að Icelandair sé að vinna verkin fyrir Ferðamálastofu.

Ef Ferðamálastofa ætlar að halda áfram á sömu braut ætti hún að leggja sjálfa sig niður um leið og hún lokar skrifstofunum í Kaupmannahöfn og Frankfurt.

Nýtum fjármagnið enn betur

Athugasemdir

[Kristján Logason, 28.1.2009 kl. 19:53]

Þarf ekki ða hugsa allt upp á nýtt núna. Spáð 2% fækkun ferðamanna á heimsvísu.

Norðurlandabúar hafa ekki verið fjölmennir í ferðum hingað. Þannig að kanski þarf að ná til þeirra á annan hátt en verið hefur. Er ekki viss um að skrifstofur séu endilega besta tækið, en hver veit 

[Dunni, 28.1.2009 kl. 20:44]

Skrifstofur sem gera ekki neitt eru óþarfar.  En að sjálfsögðu á Ferðamálastofa að styðja vel við bakið á þeim sem eru að reyna að selja útlendingum ferðir til Íslands.  Og hvergi er betra tækifæri til að kynna ferðamöguleikana en á svona kaupstefnum þar sem flest ferðaþjónustufyrirtæki álfunnar koma saman auk ferðaskrifstofa frá Ameríku og Ástralíu.