Eiður og hungraðir hestar

Eiður Guðnason var góður fréttamaður þegar sjónvarið var enn í sauðalitunum. Hef þá trú að margir hafi séð eftir honum af skjánum.

Mér er alltaf minnisstætt þegar Eiður taldi sig hafa komist frétta efni um dýranýðslu vegna hrossagöngu í annað hvort Engey eða Viðey. Eiður fór út í eyjuna með tökumann með sér og festi á filmu hross sem hann sagði illa haldin og horuð þar sem þau hefðu llítið að éta.  Í fréttinni veifaði hann vel nagaðri rekaspýtu til staðfestingar á því að hrossin væru nær hungurmorða og gerðu sér því rekavið að góðu sem æti.

Nú vita allir sem haldið hafa hesta og skepnur almennt að hvergi er betri vetrarhagi en í gróðursælum eyjum meðþaramikilli fjöru.  Hestar elska að fá spýtur að naga þó þeir sú pakk saddir. Að naga spýtu hefur jafn róandi áhrif á hesta og bók hefur á mann sem les sér til hugarhægðar.

Því má bæta við að Eiður var vinsæll sendiherra í Noregi 

Eiður Guðnason hættir

Athugasemdir

[Eiður (IP-tala skráð) 7.1.2009 kl. 22:18]

Þakka  hólið , --   en   það  voru hafsögumenn í Reykjavík, sem, létu  fréttastjóra  Sjónvarpsins  vita  af  hrossunum í  Engey. Þeir  töldu þau hafa illt  atlæti  einkum vegna þess að í eynni var hvergi skjól og ekkert vatn.

Hafnsögumennirnir höfðu  lengi  fylgst með hrossunum.

Eigandi þeirra  flutti  þau úr  eynni og upp á land  einum  eða tveimur  döguim eftir að fréttin var flutt. Það hefði hann varla gert nema  af því að  ástæða  var til. Þannig var  nú það.

Ef talið er að þetta sé það lakasta sem ég hafi  gert á  ellefu árum í  Sjónvarpinu , þá  er ég  bæði sáttur og  glaður.

[Dunni, 7.1.2009 kl. 22:52]

Takk fyrir upplýsingarnar Eiður.  Hrossin hafa sjálfsagt þurft á vatni að halda.

Ég var einn af þeim sem bölvaði hátt þegar þú hvarfst af skjánum.

Kveðja

Guðni Ölversson