Seljið Gerrard en ekki til City

Þó Steven Gerrard sé einn besti miðvallarleikmaður í enska boltanum er hann ekki ómissandi fyrir Liverpool. Þess vegna á félagið að vera opið fyrir að selja hann og það til útlanda. Gróðinn af Gerrard dygði vel fyrir tveimur til þremur leikmönnum í toppklassa.

Meðan Rafa Benitez byggir allt spilliðsins í kringum þennan eina leikmann verður leikur liðsins alltof fyrirsjáanlegur.  Það sýndi sig glögglega í leiknum við Stoke þar sem Tony hafði unnið  heimavinnuna sína af kostgæfni og dró allar vígtennurnar úr sóknarleik LFC. Samvinna gerrard og framherjanna gekk ekki upp og þar með varð sóknarleikurinn handónítur.

Það hlýtur líka að vera álitamál hvort félagið eigi að halda í Benitez vinnist deildin ekki í ár. Það er deginum ljósara á framkomu leikmannanna á vellinum að þeim þykir ekkert sérstaklega gaman í vinnunni. Sennilega eru æfingarnar líka hundleiðnlegar án þess að ég viti nokkuð um það.

Svo virðist sem Benitez sé algerlega taktlaus maður þrátt fyrir að vera klókur þjálfari.  Það sér maður best á því þegar sýndar eru myndir af bekknum eftir að liðið hefur skorað. Þar situr Benni og nagar blýant eða skrifar eitthvað niður á blað. Hann samfagnar aldrei leikmönnum sínum og tekur alls ekki þátt í gleði þeirra yfir skoruðu marki. Og það sem verst er að hann er búinn að temja Sammy Lee líka. Sammy situr eins og rakki í bandi nú öfugt við það sem áður var þegar hann var hlaupin fagnandi út að hliðarlínu að stappa stáli í strákana. Í samanburði við Ferguson, Keegan, Dalglish, Wenger, Scolari svo maður tali nú ekki um gamla Shankli er Rafael Benitez eins og múmía.

Svo getur maður ekki sett annað en mörg stór spurningamerki við leikmannakaup hans. Torres virðist vera einu velheppnuðu kaupin meðan flestir aðrir eru rétt miðlungsmenn og ekki það góðir að Liverpool verði bara að fá þá. Það er þó von með einn eða tvo aðra en þvílík fjársóun í miðlungsleikmenn finnst vart hjá nokkru öðru liði í ensku úrvalsdeildinni.

Svo verð ég að segja eins og mér finnst. Framkoma hans við Hiipia var með þeim hætti að stjórnin hefði átt að grípa í taumana og skamma karlinn.  Svona gera menn ekki við mann sem hefur þjónað liðinu eins vel og hann hefur gert síðasta áratuginn. Og svo kostaði hann næstum ekki neitt.   

Benítez: City fær ekki Gerrard

Athugasemdir

[Hróðvar Sören, 3.10.2008 kl. 23:16]

Ertu að horfa á eitthvað annað lið með nafninu Liverpool FC en ég? Það er svo margt rangt í þessu og furðulegar áherslur að ég veit ekki hvað segja skal.

Glasið alveg tómt.

[Manni (IP-tala skráð) 3.10.2008 kl. 23:45]

Þú hlýtur að vera að fylgjast með einhverju öðru liði en Liverpool. 

Það er gott mál að blogga ef eitthvað vit er í því en annars á maður bara að sleppa því ;)

[Bragi, 4.10.2008 kl. 01:12]

Er þessi færsla kannski eitt allsherjar grín?

[Dunni, 4.10.2008 kl. 08:36]

Hróðvar: Þú bendir ekki á eitt einasta atriði sem er rangt. Er hausinn á þér tómur.

Manni:  Það er hárrétt hjá þér. Það er gott mál að blogga. Og tilþess þurfa menn ekki alltaf að hafa soömu skoðun.  En ég sá ekki ein einustu rök fyrir fullyrðingum þínum. Það er lélegt að skíta aðra út án þess að finna fullyrðingum sínum stað.

Bragi.:  Þessi færsla er að hluta til grín.  Það er nefnilega svo auðvlet að æsa vitleysinga upp sem ekki fatta grínið.  En öllu gríni fylgir líka alvara. Og eftir að verið dyggur stuðningsmaður Liverpool síðan 1965 og verið mikið á Anfiled, sérstaklega í tíð Peters Robinson, er auðvelt að sjá breytingarnar á gleðimunstri leikmanna.

Bendi þeim sem áhuga hafa á að komast yfir lýsingu Jan Mölby á leik LFC  - PSV frá því á miðvikudag.

[Hróðvar Sören, 4.10.2008 kl. 15:01]

Ehh, eigum við að skoða aðeins hver hérna er æstur?

[Dunni, 4.10.2008 kl. 15:16]

Ég vona að engin sé æstur. En ég vona líka að allir sem ég skiptist á skoðunum við geti gert fullyrðingar sínar að skoðunum með smá rökstuðningi.  Það er ein og þér takist það ekki félagi.  En ég get lofaðþér því að það kemur með æfingunni. Það er bara að byrja og það gerir ekkert til þó það gangi ekki allt upp í byrjun.  Þetta kemur. Hjá þér líka. 

[Hróðvar Sören, 4.10.2008 kl. 17:52]

Þú ert fastur á byrjunarreit gamli.

Það kemur ekki til greina að selja Gerrard, þeir 2-3 sem þú telur að gætu komið í staðin fá ekki að koma allir inn á í einu í stað Gerrard. Reglurnar segja að leikmenn megi mest vera 11 inn á vellinum.

Að leikur liverpool snúist bara um Gerrard er svolítið viðhorf frá sirka 2005? Stoke var vissulega slakur leikur liðsins ( ekki gleyma þó því að löglegt mark var dæmt af, held að enginn viti enn af hverju ). Svona leikir eiga sér stað hjá öllum liðum, þó svo viðhorfið sé "þessi leikur verður að vinnast". Svo kemur næsti leikur "þessi leikur verður að vinnast". Það er bara ekki að fara að gerast að liverpool endi tímabilið með 114 stig, né neitt annað lið.

Svo ferðu eitthvað að þenja þig hvað þú þolir ekki Benitez. Tilhæfulaus skot sem eiga sér enga staðfestu í raunveruleikanum, er þetta kannski hlutinn af færslunni sem er grín?

Torres og þessir "miðlungsmenn" eru efstir í deildinni ( ásamt einhverju liði sem ég man ekki hvað heitir ) og búnir að vinna báða leiki hingað til í CL. Þessir "miðlungsmenn" eru greinilega betri en mennirnir sem voru fyrir í hópnum/liðinu þegar Rafa tekur við liðinu.

Það eru ótrúlega sterkir miðverðir í Liverpool, Hyypia er einfaldlega fjórði í röðinni og getur ekki gert ráð fyrir því að það sé sjálfsagt mál að hann sé í CL hóp. Auk þess henta þessi lið sem eru í okkar riðli honum ekki vel.

Það að segja að stjórnin eigi að fara að skipta sér að fótboltamálum og stjórnun liðsins sjálfs eða vali á leikmönnum í hóp framyfir Rafa dæmir sig sjálft.

[Dunni, 4.10.2008 kl. 19:30]

Heyrðu Hróðvar.

Ég veit ekki hvort þessi færsla hefur átt að vera fyndni eða viska. Fyrir það fyrsta er það ekki mitt mál hvort Gerrard verður seldur eða ekki.  Mér finnst að það væri allt í lagi að selja hann eftir tímabilið.  En ég ræð engu um það og er því hvorki á byrjunarreit eða nokkrum öðrum reit hvað það varðar. Ég geri mér líka fulla grein fyrir að það eru 11 leikmenn á vellinum. En að er gott ef allir 11 passa 100% inn í leikstíl viðkomandi þjálfara. Sumir hinna nýlega innkeyptu virðast ekki skilja til hvers ærtlast er til af þeim.

Þú veist alveg eins vel og ég, ef þú ert líka stuðningsmaður LFC, að okkar mönnum hefur oft gengið illa með lið sem eiga að vera, á pappírnum og í pundum talið, miklu lakari en Liverpool.  Þarf ekki nema benda á leiki í bikarkeppninni gegn liðum í neðrideildunum sem stundum hafa leikið okkur grátt. Þá hefur taktíkin og leikmannaval Benitez klikkað.

Torres er engin miðlungsmaður. En hvað eru bakverðirinir sem nú eiga nánast fast  sæti í liðinu. Hvað með Bablel sem einungis hefur á 45 sæmilegar mínútur með liðinu og það var í Meistaradeildinni á dögunum.

Ég hef aldrei látið það út úr mér eða á prent að ég þoli ekki Benitez. Þvert á móti hef ég sagt að hann sé mjög klókur þjálfari. Þar fyrir utan er hann afskaplega prúður maður og greinilega skarpgreindu.  Hins vegar sakna ég þess að hann láti nánast aldrei í ljós gleði yfir skoruðu marki eða fagni þeim leikmönnum sem gera vel.  Hann situr og skrifar.  Ég er aldeilis ekki einn um þessa skoðun því um þetta hefur verið fjallað í bresku pressunni í öll þau ár sem Benni hefur verið í Liverpool.  Þarna finns mér karlinn vera taktlaus.

Ég er sammála þér varðandi miðverðina. Þeir eru allir mjög sterkir og finna hver annan mjög vel. Mér dettur heldur ekki í hug að hafna skoðun þinni af hverju Hiipia ekki fær pláss í CL hópnum. Mér finnst bara að það hefði frekar átt að hafa Hiipia, þó hann sé 4. miðvörður, heldur en t.d. Babel eða Ísraelan. (samkvæmt statistik vinnur Babel aðeins 17% þeirra tæklinga sem hann fer í og þær eru nú ekki margar) Í gegnum árin hafa höfðingjar í leikmannahópnum verið heiðraðir með medalíum þegar þeir klára ferilinn hjá LFC. Ég held að Finnin hætti í vor og fái vinnu hjá liðinu þar sem leikmenn telja hann mjög mikilvægan félagslegan hlekk í leikmannahópnum. Þess vegna hefði hann átt fá tækifæri, að mínu mati, til að vera með í reyna að vinna CL. (Held það takist núna ef hvorki Gerrard eða Torres meiðast) 

Að sjálfsögðu hef ég aldrei minnst einu orði á að framkvæmdastjórn LFC eigi að skipta sér af fótboltamálum félagsins. Þess vegna veit ég ekki hvernig fullyrðing sem ég hef aldrei skrifað geti dæmt sig sjálf. Stjórnin á að halda liðinu gangandi. Benni er knattspyrnustjóri og ber alla ábyrgð á þeim þætti og á þar af leiðandi að ráða þar aleinn.

Að lokum.  Þetta var fín færsla hjá þér. Eiginlega bara það síðsta, með stjórnina, þar sem þú skaust framhjá. Næstum í innkast  En það geriri bara ekkrt til. Eins og ég sagði þá kemur þetta.  

Ég leik mér stundum að þvi, þegar ég er í einstaklega góðu skapi eins og núna, að reita vini mína, kannski ekki til reiði en viðbragða, með því að skrifa um Liverpool sem ég veit að mörgum er mikið á móti skapi. Ef þú tekur eftir því aftur endilega leggðu orð í belg. Þú ert grreinilega hugsandi gaur og mér líka afar vel við alla sem hugsa um Liverpool FC.   

PS.  Hvaða lið á Íslandi styður þú?

[Hróðvar Sören, 4.10.2008 kl. 20:11]

Ætli það verði ekki að vera Fram, var hjá þeim í handboltanum og smá fótboltanum þegar ég var yngri. Fylgist ekki mikið með íslenskum félagsliðum þessa stundina, horfi þó á landsliðin.

[Dunni, 5.10.2008 kl. 08:35]

Fram er ekki neitt að fúlsa yfir. Ég veit ekki hvort þú veist það að það er Frammari og Íslendingur sem skrifar Liverpool History fyrir Liverpool FC og sér um sögusíðuna fyrir Liverpool.

Sjálfur er ég fæddur KR-ingur og verð það náttúrulega alla mína æfi. En þar sem ég var formaður í Grindavík í mörg ár stend ég alltaf með þeim. Líka þegar þeir spila á móti KR á heimavelli. Á KR-velinum er ég hlutlaus.

Vona bara að ykkur Frömmurum gangi vel í handboltanum í vetur

Kveðja frá Noregi.