Lokaðar æfingar hjá Íslendingum

Það er nú ekki allskostar rétt að æfingar íslenska landsliðsins í Ósló séu ekki lokaðar.  Aðeins ein opin æfing verður hjá íslenska liðinu og sú æfing var í gær kl. 17:00  Aðrar æfingar eru lokaðar.

Norskir blaðamenn verða æfinlega súrir þegar Åge loka æfingum landsliðsins.  Það gerist reyndar mjög sjaldan og kemur alltaf jafn flatt um á snápana sem vilja komast í færi við þjálfara og leikmenn.

En að halda því fram að það sé ekkert uppi á teningnum hjá Ólafi Jó að loka æfingum er í besta falli ýkjur eða eiginlega hrein og klár lýgi.

Lokaðar æfingar hjá Norðmönnum

Athugasemdir

[Halldór Jóhannsson, 5.9.2008 kl. 23:56]

Ferðu á völlinn?Eða er hann svolítið langt frá þér?Hvernig spáirðu?Verður gaman að sjá hvernig þjálfarnir leggja leikinn upp.Hvort að Eiður Smári eigi alltaf að fá boltann og treysta of mikið á hann blessaðann,eða hvort liðsheildin eiga að vera í fyrirrúmi.Bestu kveðjur góði. 

[Dunni, 7.9.2008 kl. 15:08]

Að sjálfsögðu fór ég á völlinn.

Var að vinna með TV2 í Noregi fyrir leikinn og þvældist þess vegna á æfingar  og blaðamannafundinn líka.

Okkar strákar spiluðu bara nokkuð vel. Þeir voru reyndar svolítið staðir, sérstaklega í fyrri hálfleik, en eftir því sem á leið héldu þeir boltanum vel og fluttu sig fram yfir miðju.  Á Ullevål var Eiður Smári leikmaður í liði en ekki lið með tindáta í kringum sig.

Mitt mat er að íslenka liðið var nokkuð gott.  Vel skipulagt og lítið um mistök og batnaði með hverri mínútu sem á leikinn leið.  Sennilega hefur Óli látið þá drekka ryðolíu í hálfleiknum því þeir voru mun betri í seinni hálfleik og þá var lengstum jafnræði með liðunum.