Af hverju ekki Veigar Páll

Sitjandi hér handan við hafið veltir maður því fyrir sér hvers vegna Veigar Páll eigi ekki sæti í landsliðshópnum sem mætir Aserbaídsjan.  Veigar hefur leikið eins og engill fyrir Stabæk í sumar og kórónaði frammistöðu sína með tveimur flottum mörkum í bikarnum í gær.

Þá hefði líka verið í lagi að sjá nafn Garðars Jóhannsonar í hópnum. Hann hefur átt fínt tímabil með FFK.

En Breiðablik hefur staðið sig vonum framar í sumar og sjálfsagt ástæða til að verðlauna liðið með því að taka tvo leikmenn þess með í hópinn.  Það eru bara svona vangaveltur sem fara í gegnum höfuðin á a.m.k. 250 þúsund Íslendingum sem gjarnan vilja leggja Óla Jó lið við val á landsliðshópnum.  Allt í lagi að hugsa upphátt af og til.  Og vonandi verður leikurinn á miðvikudaginn það veganesti sem nægir liðinu til að vinna Norðmenn á Ullevål í september.   

Athugasemdir

[Grétar Rögnvarsson, 19.8.2008 kl. 16:20]

Sæll og blessaður gamli sveitungi og félagi, gaman að hitta þig hér á blogginu, 11 ár síðan við borðuðum saman áramótasteik á Kanarý, ásamt góðu fólki. Finnst það bara svo stutt síðan. Já það eru margir spekingarnir þegar kemur að fótboltanum og ég er einn þeirra, hefði þér dottið það til hugar að Sigurjón Björnsson færi einhverntíma að horfa á fótbolta, en hér um borð hjá okkur er mikill áhugi og mikið rifist  á leikdögum. Ég er mikill áhugamaður fyrir fótbolta og fylgist vel með öllu sem þar er að ske, á 16 ára strák sem er í 3 fl Fjarðabyggðar og svo eigum við Eskfirðingar nátturlega  tvö drengi sem spila erlendis, en engan lengur í Norge. Verðum í bandi félagi. Kveðja Grétar.

[Dunni, 19.8.2008 kl. 18:02]

Þú segir það. 11 ár síðan síðast. Hellvíti langur tími það en minningin er góð. Þetta var lang besta jólaferð sem við fórum.  Eskfirðingar áttu góða fulltrúa á Kanarí þau jólin. 

Drengirnir að Austan hafa staðið sig vel í boltanum.  Það segir meira en mörg orð um Stebba Gísla að hann hefur verið fyrirliði beggja liðanna ssem hann hefur leikið með eftir endurkomuna frá Austurríki.  Valur Fannar stóð sig líka vel í Noregi á sínum tíma.  En þeir lentu bara í upphafi hjá handónýtu liði hérna og þjálfari þess var sá slakasti í deildinni.

Hver er hann hinn strákurinn að heiman. Hef heyrt nafanið hans en kem honum ekki fyrir mig.

Sjonni karlinn er alltaf kappsfullur.Sama hvað hann tekur sér fyrir hendur.  Gaui Björns fékk jú að kynnast því. Ég hitti Sigurjón aðeins þegar ég kom á fermingarbarnamótið sumarið 2006. Hann svíkur aldrei.

Hafðu það fínt félagi og skilaðu kveðju til allra þinna

Dunni

[Grétar Rögnvarsson, 19.8.2008 kl. 18:36]

Sæll aftur vinur, hann heitir Eggert Gunnþór Jónsson og spilar með Hearts í Skotlandi, sonur Jóns Trausta Guðjónssonar Gíslasonar hákarla, og Guðnýjar Eggerts Gunnarssonar frá Sigmundarhúsum, já Stebbi er að standa sig vel með Brondby og Valur er náttúrulega í Fylki eins og þú veist sjálfsagt. Nú er Sjonni gamli í Tyrklandi. Já þetta var góður hópur af Eskfirðingum á Kanarí fyrir 11 árum.

Kv Grétar.

[Dunni, 19.8.2008 kl. 19:42]

Ég verð nú að viðurkenna að ég skammast mín fyrir að hafa ekki áttað mig á hver drengurinn var. Var á sínum tíma fórstraður hjá Guðjóni og Ingu svo þetta er bara alls ekki nógu gott.  Jón Trausti stendur alltaf fyrir sínu sem og þeir bræður allir.

Sjonni hefur það ábyggilea fínt í Tyrkklandi. Kan vel við Tyrkina og er með stóran hóp nemenda frá Tyrklandi. En  mikið andskoti geta þeir verið stíflaðir í trúnni.  Kom ein móðir til mín í dag og hafði áhyggjur að strákurinn hennar, 9 ára gamall, færi nakin í sturtu eftir íþróttatíma.  Þurfti að semja við kerlinguna um það aðdrengurinn gæti farið í sturtu í nærbuxunum og fengi síðan að skipta um föt í búningsklefanum mínum.  Það er nefnilega ekki Allah þóknanlegt að aðrir drengir sjái tittlingin á sanntrúuðum muslima.