Bannað að kaupa þjónustu portkvenna

Í Noregi er talið að um 2500 konur stundi vændi.  Þar af eru það rúmlega 1000 sem eru í götuvændinu.  Nú á að fara setja lög í landinu sem gera þessar konur atvinnulausar. Í nýju lögunum verður nefnilega karlmönnum bannað að kaupa sér blíðu þeirra.  Og ekki nóg með það. Á þinginu heyrast raddir um að hrammur laganna muni grípa þá karlmenn glóðvolga sem kaupa sér þjónustu vændiskvenna erlendi.  Þar með gæti hluti vændiskvenna í bæði Gambíu og Thailandi misst drjúgan hluta tekna sinna þar sem þessi lönd eru vinsæl meðal Noðmanna sem ekki fá notið ásta heima fyrir í nægu mæli.

Ekkert er þó minnst á að norskum konum, sem fara í hópferðum til Gamíu til að njóta þjónustu fylgdarsveina, verði refsað við heimkomu komist upp um þær.

Í lagafrumvarpinu er ekki gert ráð fyrir að neitt verði gert fyrir hinar atvinnulausu portkonunur. Ekki fá þær atvinnuleysisbætur eftir að atvinnugrein þeirra verður lögð niður.

 

Talskonur í kvennaathvörfum leggja til að þessum konum verði boðið upp á námskeið og þjálfun í "hefðbundnum kvennastörfum" svo þær geti unnið fyrir sér á "heiðarlegan" hátt.  En sannleikurinn er sá að þær norsku konur sem stunda vændi hafa valið þetta starf sjálfar eftir því sem komið hefur fram í viðtölum við margar þeirra.

 

Og af hverju ætli þær hafi valið sér vændið sem atvinnugrein?  Jú. Að vinna sem kassadama í stórmarkaði stendur ekki undir þeim útgjöldum sem lífstíll þeirra kallar á. Vændið er einfaldlega betur borgað og þær geta skipulagt vinnutíma sinn sjálfar.  Svo segir alla vega trúnaðarkona norskra gleðikvenna í Ósló.

GÞÖ

http://orangetours.no/

 

Athugasemdir

[Ár & síð, 10.4.2008 kl. 21:30]

,,Ekki fá þær atvinnuleysisbætur eftir að atvinnugrein þeirra verður lögð niður."

Þá eru frændur mínir Norðmenn öflugri en ég átti von á ef þeim tekst að leggja af elstu atvinnugreinina. 

Matti