Í tísku að ljúga

Það er greinilegt að kartöflujólasveinarnir koma ekki frá Eskifirði.  Þá væru þeir ekki aflögufærir með jarðeplin sín.

 

En hvað um það.  Þorgerður fær kartöflu fyrir slaka frammistöðu í að koma í veg firir niðurskurð til rannsókna og menntamála.  Hún á þá kartöflu fullkomlega skilið. 

Annað það sem mér kemur meira á óvart varðandi Þorgerði og ekki er nefnt á karöfluregistrerið er að hún skuli, líkt og formaður hennar Geir Haarde ljúga til um hvað hún hefur sagt og hvað ekki.  Reyndar virðist lýgin vera landlæg í ráðherraliði Sjálfstæðisflokksins því augljóst er að ekki hefur Árni Matt sagt rétt og heiðarlega frá samtölum sínum við "Oh Darling" vin sinn í Englandi.

Og nú virðist lýgin smitast meðógnarhraða út í samfélagið og hefur náð inn á ritsjórnarkontórana hjá DV.  Það er öllu alvarlegra þegar ritstjórnir blaðanna eru farnar að ljúga að lýðnum heldur en þegar ráðherrar grípa til smá ósannsögli til að "leiðrétta misskilning." Í Noregi myndu ritsjórarnir vera reknir á stundinni og útgáfan stöðvuð meðan rannsókn á ritsjórninni færi fram eftir því sem norskur blaðamaður sagði mér.  

Vonandi að lygapestin leggi upp laupana fyrir jól og þjóðin geti tekið á móti fagnaðarerindinu með opnum huga og trúað hverju orði er þar stendur.  Þá munum við eiga friðsæl og gleðileg jól.   

Þorgerður Katrín fær kartöflu