Eftir bókinni

Keflvíkingar geta engum þakkað nema  eigin aulaskap fyrir að verða af Íslandsmeistaratttlinum í ár.   Þeir fóru einfaldlega á taugum þegar FH-ingar fóru að anda í hálsmálið þeirra í síðustu viku. Taugaflækjan náði svo hámarki þegar liðið er kallað út á kvöldæfingu í hálfleik þegar FH var að vinna Breiðablik.  Það eru í besta falli einkennileg skilaboð til leikmanna og greinilegt að þau hafa farið eitthvað öfugt í þá.

Eftir að hafa verið 8 stigum á undan Hafnarfjarðarliðinu, fyrir aðeins nokkrum dögum, er með ólíkindum að láta titilinn ganga sér úr greipum með tapi fyrir FRAM og það á heimavelli sínum í Keflavík.  Þetta er rakið dæmi um taugaáfall í fótboltanum. 

 Ekki það að ég harmi sigur FH.  Öðru nær. Gæti varla verið ánægðari nema ef Grindavík næði einhvern tíman að krækja í titilinn.  Svo náttútlega herf ég ekkert á móti KR. Þeir riðu svo sem ekki feitum hesti frá leiktíðinni og verður sepnnandi að vita hvað gerist þar á bæ með haustinu.

TIL HAMINGJU FH

FH-ingar lyfta Íslandsbikarnum

Athugasemdir

[Guðný Anna Arnþórsdóttir, 29.9.2008 kl. 21:20]

Úff, fótbolti, handbolti, stuðbolti, straubolti ...... Skil ekki muninn á þessu, eins og þú veist. Veit bara að Óli Fossberg var uppáhaldsfóóóboltakappinn minn þegar ég var enn minni en ég er í dag.

Ég bíð eftir viðbrögðum þínum við bankatíðinum dagsins á Íslandi - og víðar. 

[Halldór Jóhannsson, 30.9.2008 kl. 21:46]

Óli Fossberg var skemmtilegur með flautuna góðu....

[Dunni, 1.10.2008 kl. 08:31]

Óli var og er topp maður.

Hann var topp markmaður, dómari, harmonikuleikari, trommuleikar og sögumaður.

Þær voru ófár stundirnar sem við sátum í gömlu bræðslunni og hlustuðum, með andakt, á sögurnar sem runnu upp úr karlinum þegar hann var í stuði. Og það var hann eiginlega alltaf.