Veigar Páll í landsliðið

Þær fregnir bárust frá Bærum í dag að Veigar Páll væri kominn í íslenska landsliðshópinn. Veigar hlýtur að gleðjast yfir því og þar með verður gleði hans tvöföld þar sem kona hans ól honum þeirra annað barn á mánudaginn fyrir 8 dögum.

Norskir blaðamenn voru hreinlega að fara á límingunum yfir því að Veigar hlyti ekki náð fyrir augum landsliðsþjálfarans.  Þessar fréttir frá Nadderud Stadion hljóta að lappa upp á geðheilsu þeirra og það er bara gott eitt um það að segja.

 Annars er mikil stemning fyrir  leiknum í Noregi  og eftir afleitt gengi norksa landsliðsins á undanförnum árum er krafan einföld. Sigur á Íslandi eða höfuð Åge Haraide á silfurfati.

Norðmenn gera sér fulla grein fyrir því að þó margir íslendingar hafi leikið í Noregi við góðan orðstý er mikill munur á norskum og íslenskum fótbolta.  Það sýnir líka árangur norska landsliðsins síðustu 15 árin þó þau síðustu hafi verið mögur mjög.

Ég hef fulla trú á að Ísland geti unnið Noreg á Ullevål.  En til þess þarf hver einasti leikmaður í hópnum að hafa þann vilja sem þarf frá því liðið kemur á miðvikudag þar til blásið verður til leiksloka á laugardag. Ef menn ætla að sigra verða þeir að vinna saman. Það þýðir einfaldlega að enginn má bregðast liðinu er á hólminn er komið.  Það er skítlegt ef einhver heldur að hann geti verið farþegi í landsleik.  Þjálfarar liðsins verða að vera vakandi fyrir því að menn séu að leggja sig 100% fram og ekki hika við að taka þá útaf sem leyfa sér að slaka á þó ekki sé nema múnutubrot.  Það þýðir að einbeitingin er ekki til staðar og þar með hafa menn ekkert að gera inná vellinum.

Við stuðningsmenn liðsins munumleggja okkur fram. Því get ég lofað.  Hef trú að að Íslendingar fjölmenni á Ullevål. Það verður engin svikin af því. Ullevål er frábær völlur þar sem áhorfendur eru mjög nálægt leikmönnum og komast ekki hjá þvi að vera í snertingu við leikinn.

 

Áfram Ísland

Athugasemdir

[Halldór Jóhannsson, 26.8.2008 kl. 22:42]

Veigar á að skipta bara um ríkisfang,málið útrætt....

En ég vil fá Tryggva G.í landsliðið.

Já,það verða allir að berjast fyrir hvern annan,liðsheild og samvinna,engin á að líta á sig sem kóng og ætla að gera allt einn,til að fá kanski heiðurinn ef vel tekst til.

Og þó að einhver andi sífellt ofan í hálsmálið á manni,þá eiga menn ekki fara í fýlu,því má búast í hverjum leik,að menn séu í gæslu.KV